Қазақстан Республикасының Үкіметі мен Түркия Республикасының Үкіметі
арасындағы Кеден iстерiндегі ынтымақтастық пен әкiмшiлiк өзара көмек туралы
келісім
(Анкара қ., 2003 ж. 22 мамыр)
Ағылшын мәтінін қара
Келісім 2004 ж. 9 шілдедегі № 582-II Қазақстан Республикасының Заңыменбекітілді
Бұдан әрi Тараптар деп аталатын Қазақстан Республикасының Үкіметі мен Түркия Республикасының Үкіметі,
импорт және экспорт кезiнде алынатын кеден баждарының,салықтардың және басқа да кеден алымдарының дәл есептелуiн қамтамасыз етудiң, сондай-ақ тыйым салу, шектеу және бақылау жөнiндегі шаралардың лайықты дәрежеде орындалуының маңыздылығын назарға ала отырып;
кеден заңдарын бұзу экономикалық салықтық қоғамдық, мәдени мүдделерге қоғамның салауаттылығына және сауда мүдделерiне залал келтiретіндігін назарға ала отырып;
есiрткi құралдарын, психотроптық заттарды және прекурсорларды, қауіпті жүктердi, флора мен фаунаның жойылып кету қаупi төнiп тұрған түрлерiн және уытты қалдықтарды шекаралар арқылы заңсыз өткiзудiң қоғам үшiн қауiп төндiретіндігін ескере отырып;
кеден заңдарының қолданылуына және сақталуының қамтамасыз етiлуiне қатысты саладағы халықаралық ынтымақтастықтың қажеттілiгiн мойындай отырып;
кеден заңдарын бұзушылықтардың алдын алу жөнiндегі және кеден баждарын, салықтарды және басқа да кеден төлемдерiн дәл есептеу мен жинауды қамтамасыз ету жөнiндегі күш-жiгердiң Тараптардың кеден әкiмшілiктерi ынтымақтастығының арқасында неғұрлым тиiмдi болуы мүмкiн екендігіне көз жеткізе отырып;
қазiр Дүниежүзілiк кеден ұйымы ретінде белгілi Кедендiк Ынтымақтастық Кеңесінің тиiсті құжаттарын, атап айтқанда 1953 жылғы 5 желтоқсандағы Өзара әкімшілiк көмек туралы ұсынымдарды назарға ала отырып;
жекелеген тауарларға қатысты тыйым салу шектеулер және арнайы бақылау әдiстерi жөнiндегі халықаралық конвенцияларды назарға ала отырып; мына төмендегілер туралы келiстi:
І бөлім
Айқындама
1-бап
Осы Келісімнiң мақсаттары үшін мынадай, ар қолданылады:
1. "Кеден әкiмшілiгi":
