Қазақстан Республикасының Әдiлет министрлігінде № 2394 тiркелген
Қазақстан Республикасының Ұлттық Банкi Басқармасының "Зейнетақы
активтерiн инвестициялық басқаруды жүзеге асыратын заңды тұлғалардың есеп
беру ережесін бекіту туралы" 2003 жылғы 29 мамырдағы № 179 қаулысына
өзгерістер мен толықтырулар енгізу туралы Қазақстан Республикасы Ұлттық
Банкі Төрағасының 2004 жылғы 24 мамырдағы № 77, Қазақстан Республикасының
Қаржы нарығын және қаржы ұйымдарын реттеу мен қадағалау жөніндегі
агенттігі Төрағасының 2004 жылғы 24 мамырдағы № 145 бірлескен қаулысы
ҚР Ұлттық Банкі Басқармасының 2004 ж. 15 желтоқсандағы № 173 қаулысымен күші жойылды
"Қазақстан Республикасының Ұлттық Банкi туралы" Қазақстан Республикасы Заңының 8-бабының л-2)-тармақшасына, "Қаржы рыногын және қаржы ұйымдарын мемлекеттік реттеу мен қадағалау туралы" Қазақстан Республикасы Заңының 9-бабы 1-тармағының 6)-тармақшасына сәйкес, зейнетақы активтерiн инвестициялық басқаруды жүзеге асыратын заңды тұлғалардың қызмет етуiнiң ашық болу дәрежесi мен тиiмдiлiгiн арттыру мақсатында, Қазақстан Республикасы Ұлттық Банкінің (бұдан әрi - Ұлттық Банк) Басқармасы мен Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттiгiнiң (бұдан әрi Агенттiк) Басқармасы қаулы етеді:
1. Қазақстан Республикасының Ұлттық Банкi Басқармасының "Зейнетақы активтерiн инвестициялық басқаруды жүзеге асыратын заңды тұлғалардың есеп беру ережесін бекіту туралы" 2003 жылғы 29 мамырдағы № 179 қаулысына (Қазақстан Республикасының нормативтiк құқықтық актілерін мемлекеттік тiркеу тiзiлiмiнде № 2394 тiркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 2003 жылғы 12-27 шiлдеде жарияланған) мынадай өзгерістер мен толықтырулар енгiзiлсiн:
кiрiспедегi "Заңының 57-бабына" деген сөздер "Заңына" деген сөзбен ауыстырылсын;
