Шанхай ынтымақтастық ұйымының Хартиясы (Санкт-Петербург қ., 2002 ж. 7 маусымда) (2006.15.06. берілген өзгерістермен)

Шанхай ынтымақтастық ұйымының Хартиясы
(Санкт-Петербург қ., 2002 ж. 7 маусымда)

(2006.15.06. берілген өзгерістермен)

ҚР 2003 ж. 4 шілдедегі № 465-ІІ Заңымен Хартия бекітілді

2003 жылғы 19 қыркүйекте күшіне енді

Шанхай ынтымақтастық ұйымының (бұдан әрi ШЫҰ немесе Ұйым деп аталады) құрылтайшы мемлекеттерi болып табылатын Қазақстан Республикасы, Қытай Халық Республикасы, Қырғыз Республикасы, Ресей Федерациясы, Тәжiкстан Республикасы және Өзбекстан Республикасы,

өз халықтарының қалыптасқан тарихи байланыстарын негiзге ала отырып; жан-жақты ынтымақтастықты одан әрi тереңдетуге ұмтыла отырып;

саяси көпполярлылық, экономикалық және ақпараттық ғаламдану процестерiнiң дамуы жағдайында аймақтағы бейбiтшiлiктi нығайту, қауiпсiздiк пен тұрақтылықты қамтамасыз етуге бiрлескен күш-жiгермен үлес қосуға тiлек бiлдiре отырып;

ШЫҰ-ны құру алда туатын мүмкiндiктердi бiрлесе тиiмдiрек пайдалануға және жаңа сынақтар мен қатерлерге қарсы тұруға жағдай жасайтынына бұрыннан сенімдi екендiгiн бiлдiре отырып;

ШЫҰ аясында өзара ықпалдасу мемлекеттер мен олардың халықтары арасындағы тату көршiлiктiң, бiрлiк пен ынтымақтастықтың зор әлеуетiн ашуға жәрдемдеседi деп есептей отырып;

Шанхайдағы алты мемлекет басшылары кездесуiнде (2001 ж.) орныққан өзара сенім арту рухы, өзара тиiмдiлiк, теңдiк, өзара консультациялар, мәдениеттердiң саналуандылығын құрмет тұту мен бiрлесе дамуға ұмтылыстан шыға отырып;