(БҰРЫНҒЫ РЕДАКЦИЯ) ҚР ҮКІМЕТІНІҢ 17.01.01 Ж. № 61 ҚАУЛЫСЫ

Қазақстан Республикасы Білім және ғылым министрлігінің Жоғары

аттестациялық комиссиясын қайта ұйымдастыру туралы Қазақстан

Республикасы Үкіметінің 2001 жылғы 17 қаңтардағы N 61 қаулысы

(ҚР Үкіметінің 24.06.04 ж. N 604 қаулысымен

енгізілген өзгерістерімен)

Осы редакция ҚР Үкіметінің 2004 ж. 28 қазандағы N 1111 қаулысымен енгізілген өзгерістеріне дейін қолданылды

Қазақстан Республикасы Білім және ғылым министрлігінің Жоғары аттестациялық комиссиясының мәртебесін қолданылып жүрген нормативтік құқықтық кесімдермен сәйкестендіру мақсатында Қазақстан Республикасының Үкіметі қаулы етеді:

1. Қазақстан Республикасы Білім және ғылым министрлігінің Жоғары аттестациялық комиссиясы мемлекеттік орган болып табылатын Қазақстан Республикасы Білім және ғылым министрлігінің Жоғары аттестациялық комитеті мемлекеттік мекемесі (бұдан әрі - Комитет) болып қайта ұйымдастырылсын.

2. Комитеттің негізгі міндеті жоғары білікті ғылыми және ғылыми-педагогтік кадрларды аттестаттау болып айқындалсын.

3. Комитеттің штат саны 45 бірлік болып белгіленсін.

4. Қазақстан Республикасының Білім және ғылым министрлігі бір айлық мерзімде Комитет туралы Ережені және оның құрылымын Қазақстан Республикасының Үкіметіне бекітуге ұсынсын.

ҚР Үкіметінің 24.06.04 ж. N 604 қаулысымен 5-тармақ өзгертілді

5. Қазақстан Республикасы Үкіметінің кейбір шешімдеріне мынадай өзгерістер мен толықтыру енгізілсін:

1) "Штат санының лимиттерін бекіту туралы" Қазақстан Республикасы Үкіметінің 1999 жылғы 21 қыркүйектегі N 1433 қаулысына:

көрсетілген қаулымен бекітілген, 2000 жылдың 1 қаңтарынан қолданылатын Министрліктер, агенттіктер мен ведомстволар қызметкерлерінің штат санының лимиттеріндегі реттік нөмірі 6-жолда: "Қазақстан Республикасының Білім және ғылым министрлігі 208" деген сөздер

 "Қазақстан Республикасының Білім 251

 және ғылым министрлігі, оның ішінде: 45";

 Жоғары аттестациялық комитет

 деген сөздермен ауыстырылсын;

2) "Қазақстан Республикасы Білім және ғылым министрлігінің мәселелері" туралы қаулысына Қазақстан Республикасы Үкіметінің 1999 жылғы 19 қарашадағы N 1754 (Қазақстан Республикасының ПҮКЖ-ы, 1999 ж., N 51, 504-құжат):

көрсетілген қаулымен бекітілген Қазақстан Республикасы Білім және ғылым министрлігінің ережесінде:

1-тармақ мынадай мазмұндағы екінші абзацпен толықтырылсын:

"Министрліктің ведомствосы бар: Жоғары аттестациялық комитет";

көрсетілген қаулымен бекітілген, Қазақстан Республикасы Білім және ғылым министрлігінің қарауындағы ұйымдардың тізбесінде:

реттік нөмірі 167-1-жол алынып тасталсын;

3) "Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санына лимиттерін бекіту туралы" Қазақстан Республикасы Үкіметінің 2000 жылғы 12 ақпандағы N 229 қаулысына:

көрсетілген қаулымен бекітілген Республикалық бюджеттің қаражаты есебінен қаржыландырылатын Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санының лимиттерінде:

1 "Қазақстан Республикасының Білім және ғылым министрлігі" бөлімінде "Жоғары аттестациялық комиссия 62" деген жол алынып тасталсын.

6. Осы қаулы қол қойылған күнінен бастап күшіне енеді.

Қазақстан Республикасының

Премьер-Министрі