Қазақстан Республикасы Президентінің
2004 жылғы 14 қыркүйектегі "1941-1945
жылдардағы Ұлы Отан соғысындағы Жеңістің
60 жылдығы құрметіне арналған мерекелік
медаль туралы" №1439 Жарлығына
ТҮСІНІКТЕМЕ
Бүкіл еліміз жарқын мерекелердің бірін — Ұлы Отан соғысындағы Жеңістің 60 жылдығын атап өтуге әзірленуде.
Мемлекет басшысы екінші дүниежүзілік соғыстағы халықтың өшпес ерлігіне, Отан қорғау парызының қасиеттілігіне лайықты құрмет көрсете отырып, 2004 жылғы 14 қыркүйекте "1941-1945 жылдардағы Ұлы Отан соғысындағы Жеңістің 60 жылдығы құрметіне арналған мерекелік медаль туралы" №1439 Жарлығына қол қойған болатын, Жарлыққа сәйкес мерекелік медальмен соғыс ардагерлері мен соғыс жылдарындағы тыл еңбеккерлері наградталады.
Осы Жарлықпен бекітілген ережеде наградталуға жататын адамдар санаты нақгы айқындалған:
— Ұлы Отан соғысы майдандарында КСРО Қарулы Күштері қатарында ұрыс қимылдарына қатысқан әскери қызметшілер мен ерікті құрамдағы адамдар, Ұлы Отан соғысы кезінде уақытша басып алынған КСРО аумақтарында іс-қимыл жүргізген партизандар мен астыртын- ұйымдар мүшелері, Ұлы Отан соғысы кезінде КСРО Қарулы Күштерінде қызмет еткен әскери қызметшілер мен ерікті құрамдағы адамдар, "1941-1945 жж. Ұлы Отан соғысында Германияны жеңгені үшін", "Жапонияны жеңгені үшін" медальдарымен наградталған адамдар, сондай-ақ "1941-1945 жж. Ұлы Отан соғысында Германияны жеңгені үшін" медалінің куәлігі не соғысқа қатысушының куәлігі бар адамдар;
