Жабайы жануарлардың қоныс аударатын түрлерін сақтау
жөніндегі Конвенция
(Бонн қ., 1979 жылғы 23 маусым)
Осы конвенцияға Қазақстан Республикасы 2005 ж. 13 желтоқсандағы № 96-III ҚР Заңына сәйкес қосылды
УАҒДАЛАСУШЫ ТАРАПТАР,
жабайы жануарлар олардың көптүрлiлiгi қалпында Жер жүйесi табиғатының ештеңемен айырбастауға болмайтын бөлiгі болып табылатынын және адамзат игiлiгi үшiн сақталуға тиiс екенiн ТАНИ ОТЫРЫП,
адамдардың әрбір ұрпағы болашақ ұрпақтар үшiн табиғи ресурстардың сақтаушысы болып табылатынын және осы мұраның сақталуын қамтамасыз етуге - немесе ол қай жерде пайдаланылса да, - оны ақылға қонымды сипатта пайдалануға мiндеттi екенiн СЕЗIНЕ ОТЫРЫП,
қоршаған орта, экология, генетика, ғылым, эстетика, демалыс, мәдениет және тәрбие көзқарасы тұрғысынан, сондай-ақ әлеуметтiк және экономикалық көзқарас тұрғысынан алғанда жабайы жануарлардың барған сайын өскелең маңызын СЕЗIНЕ ОТЫРЫП,
әсiресе ұлттық юрисдикция шекараларынан тысқары жерге немесе тысқары жерлерге қоныс аударатын жабайы жануарлар түрлерiне АЛАҢДАУШЫЛЫҚ БIЛДIРЕ ОТЫРЫП,
мемлекеттер өздерiнiң ұлттық юрисдикциясы шекаралары шегiнде мекендейтiн және осы шекаралардан өтiп кeтeтiн жабайы жануарлардың қоныс аударатын түрлерiнiң қорғаушылары болып табылатынын және қорғаушылары болуға тиiс екенiн ТАНИ ОТЫРЫП,
жабайы жануарлардың қоныс аударатын түрлерiн тиiмдi түрде реттеп отыру осы түрлер ұлттық юрисдикциясы шегінде өздерiнiң өмiр сүру циклiнiң қандай да бір бөлiгін өткiзетiн барлық мемлекеттердiң бірлескен iс-қимылын қажет ететiнiне СЕНIМДI БОЛА ОТЫРЫП,
Бiрiккен Ұлттар Ұйымының Адамдарды қоршаған орта проблемалары жөніндегі конференциясы қабылдаған (Стокгольм, 1972 ж.) және Бiрiккен Ұлттар Ұйымы Бас Ассамблеясының XXVII сессиясында қанағат сезiмiмен назарға алынған Iс-қимыл жоспарының 32-ұсынысын ЕСКЕРЕ ОТЫРЫП,
МЫНА ТӨМЕНДЕГIЛЕР ЖАЙЫНДА КЕЛIСТI:
I-бап
Ұғымдарды анықтау
1. Осы Конвенцияның мақсаттары үшiн:
