Жоба
Қазақстан Республикасының Заңы
Қазақстан Республикасының кейбір заңнамалық
актілерiне адамдарды сатуға қарсы іс-қимыл мәселелерi
бойынша өзгерістер мен толықтырулар енгізу туралы
ҚР Үкіметінің 2005.03.06. № 554 қаулысымен ҚР Парламентi Мәжілісiнiң қарауына енгізiлді
Қазақстан Республикасының мынадай заң актілеріне өзгерістер мен толықтырулар енгізілсiн:
1. Қазақстан Республикасының 1997 жылғы 16 шілдедегi Қылмыстық кодексiне (Қазақстан Республикасы Парламентiнiң Жаршысы, 1997 ж., № 15-16, 211-құжат; 1998 ж., № 16, 219-құжат; № 17-18, 225-құжат; 1999 ж., № 20, 721-құжат; № 21, 774-құжат; 2000 ж., № 6, 141-құжат; 2001 ж., № 8, 53, 54-құжаттар; 2002 ж., № 4, 32, 33-құжаттар; № 10, 106-құжат; № 17, 155-құжат; № 23-24, 192-құжат; 2003 ж., № 15, 137-құжат; № 18, 142-құжат; 2004 ж., № 5, 22-құжат; № 17, 97-құжат; № 23, 139-құжат):
1) 113-бап мынадай редакцияда жазылсын:
"113-бап. Адамның органдарын және тінін алуға мәжбүр
ету немесе заңсыз алу
1. Ауыстырып салу не өзгедей пайдалану үшiн адамның органдарын немесе тiнiн алуға мәжбүр ету немесе заңсыз алу, сол сияқты адамның органдарына және тiнiне қатысты мәмілелер жасау, -
үш жылға дейiнгi мерзiмге белгiлi бiр лауазымдарды атқару немесе белгiлі бiр қызметпен айналысу құқығын айырып немесе онсыз бес жылға дейiнгi мерзiмге бас бостандығынан айыруға жазаланады.
2. Нақ сол әрекеттер:
а) кiнәлiге дәрменсiз күйде екендігі көрiнеу адамға қатысты;
б) кәмелетке толмағанға қатысты;
в) екi немесе одан да көп адамға қатысты;
г) адамдар тобының алдын ала сөз байласуы бойынша;
д) бiрнеше рет;
e) қару немесе қару ретiнде пайдаланылатын заттарды қолданып;
ж) айыптыға жүктiлiк жағдайы көрiнеу мәлiм әйелге қатысты;
з) алдау немесе сенiмге қиянат жасау жолымен;
и) өзiнiң қызметтiк жағдайын пайдаланып;
к) жәбiрленушiнiң материалдық немесе өзге тәуелдiлiгiн пайдаланып;
л) өмiрге немесе денсаулыққа қауiптi емес күш қолданып, немесе оны қолданамын деп қорқыту арқылы жасалғанда, -
