ҚР Төтенше жағдайлар министрінің 2007 жылғы 29 мамырдағы № 88 Бұйрығымен күші жойылды
Қазақстан Республикасы Төтенше
жағдайлар жөніндегі агенттігінің
2001 жылғы 13 маусымдағы
№ 113 бұйрығымен бекітілген
Өнеркәсіптік объектінің қауіпсіздігі декларациясына сараптама жүргізу ережесі
(2005.22.07. берілген өзгерістер мен толықтырулармен)
ҚР Төтенше жағдайлар министрінің 2005 ж. 22 шілдедегі № 27-1 Бұйрығымен Ереже өзгертілді
1 тарау. ЖАЛПЫ ЕРЕЖЕЛЕР
1. Өнеркәсіптік объектілердің қауіпсіздігі декларациясына сараптама жүргізудің ережесі "Өнеркәсіптік объектілердің қауіпсіздігі декларациясын ұсынудың тәртібін және нысанын бекіту туралы" Қазақстан Республикасы Үкіметінің 2000 жылғы 19 мамырдағы № 764 қаулысын орындау барысында әзірленді.
2. Құрамында өте қауіпті өндірісі бар өнеркәсіптік объектілердің қауіпсіздігі декларациялауға жатқызылатын барлық меншік нысанындағы ұйымдары (бұдан әрі - декларациялауға жатқызылатын ұйымдар) мен табиғи және техногендік сипаттағы төтенше жағдайлар саласындағы арнайы уәкілеттік берілген мемлекеттік орган Комитет және оның аумақтық органдары осы Ережені сақтауға міндетті.
ҚР Төтенше жағдайлар министрінің 2005 ж. 22 шілдедегі № 27-1 Бұйрығымен 2-тармақ өзгертілді
2. Құрамында өте қауіпті өндірісі бар өнеркәсіптік объектілердің қауіпсіздігі декларациялауға жатқызылатын барлық меншік нысанындағы ұйымдары (бұдан әрі - декларациялауға жатқызылатын ұйымдар) мен Қазақстан Республикасы Төтенше жағдайлар министрлігінің Төтенше жағдайлар саласындағы мемлекеттік бақылау және қадағалау комитетінің (бұдан әрі - Комитет) және оның аумақтық органдары осы Ережені сақтауға міндетті.
3. Сараптама ережесі сараптама қорытындысын беретін құрамға талап қоя отырып, өнеркәсіптік объектінің қауіпсіздігі декларациясына сараптама жүргізудің мақсатын және ұйымдастыру тәртібін белгілейді.
