ТТК Түсіндірмелер жөніндегі
тұрақты комитет
29-ТТК
түсіндірмесі
Ақпаратты ашу - қызмет
көрсетуге концессия келісімі
1-«Қаржы есептілігін ұсыну»ХБЕС-ның 11-параграфына сәйкес «қаржы есептілігі қолданылатын әрбір стандарттың және Түсіндірмелер жөніндегі тұрақты комитеттің қолданылатын әрбір түсіндірмесінің барлық талаптарына сәйкес келмесе, Халықаралық бухгалтерлік есеп стандартына сәйкес келетін есептеме ретінде сипатталуға тиіс емес». ТТК түсіндірмелері елеулі емес баптарға қолдануға арналмаған.
Сілтеме:1-“Қаржы есептілігін ұсыну” ХБЕС.
МӘСЕЛЕ
1. Кәсіпорын (концессия операторы) негізгі экономикалық және әлеуметтік объектілерге жалпыға ортақ кіруге қызмет көрсету туралы басқа кәсіпорынмен (концессияны жеткізушімен) келісім жасауы мүмкін. Концессияны жеткізуші, үкіметтік органдарды қоса алғанда, жеке немесе мемлекеттік сектордың кәсіпорны болуы мүмкін. Қызмет көрсетуге концессия келісімінің мысалдары су және сумен қамтамасыз етуді өңдеу, автострадалар, автотұрақтар, туннелдер, көпірлер, әуежайлар мен телекоммуникация желілері объектілерін қамтиды. Қызмет көрсетуге концессия келісімі болып табылмайтын келісімдердің мысалы кәсіпорын сыртқы мердігерге оның ішкі қызмет көрсетулерін ұсынатын жағдайларды қамтиды (мысалы, қызметкерлерге арналған кафетерий, үй-жайға қызмет көрсету, бухгалтерия қызметі және ақпараттық технологиялар).
2. Қызмет көрсетуге концессия келісімімен әдетте концессия жеткізушінің концессия келісімі кезеңінде концессия операторына мыналар беріледі:
(а) жұртшылыққа негізгі экономикалық және әлеуметтік объектілерге рұқсат беретін қызмет көрсету құқығы, және
(b) кейбір жағдайларда белгілі бір материалдық активтерді, материалдық емес активтерді және/немесе қаржылық активтерді;
осыған айырбас ретінде концессия операторы:
(а) концессия кезеңінде белгілі бір шарттарға және талаптарға сәйкес қызмет көрсетуге міндеттенеді, және
