ТТК Түсіндірмелер жөніндегі
тұрақты комитет
16-ТТК
түсіндірмесі
Акционерлік капитал - жаңадан сатып алынған
меншікті үлестік құралдар (қазнашылық акциялар)
1-«Қаржы есептілігін ұсыну»ХБЕС-ның 11-параграфына сәйкес «қаржы есептілігі қолданылатын әрбір стандарттың және Түсіндірмелер жөніндегі тұрақты комитеттің қолданылатын әрбір түсіндірмесінің барлық талаптарына сәйкес келмесе, Халықаралық бухгалтерлік есеп стандартына сәйкес келетін есептеме ретінде сипатталуға тиіс емес». ТТК түсіндірмелері елеулі емес баптарға қолдануға арналмаған.
Сілтеме: 32-«Қаржы құралдары: ақпаратты ашу және беру»ХБЕС.
МӘСЕЛЕ
1. Кәсіпорында көбінесе «қазнашылық акциялар» деп аталатын меншікті үлестік құралдары болуы мүмкін. Заңды құқыққа байланысты ондай қазнашылық акциялар сатып алынуы немесе эмитент кәсіпорынның немесе оның еншілес компанияларының өзінде болуы мүмкін.
2. Мәселе мынада:
(а) қазнашылық акциялар эмитент кәсіпорынның балансында қалай көрсетілуге тиіс; және
(b) қазнашылық акциялар кейін сатылған немесе қайталап шығарылған жағдайда сатып алуға жұмсалған шығындар мен алынған өтем арасындағы айырмашылық қаржылық есептілікте қалай көрсетілуге тиіс.
3. Осы түсіндірме баланста эмитент кәсіпорынның барлық құралдарын көрсету үшін қолданылады, олар:
(а) 32-ХБЕС бойынша үлестік ретінде жіктеледі;
(b) сатып алынады және шоғырландырылған есептілік беретін топқа кіретін эмитент кәсіпорынның өзінде немесе оның еншілес компанияларында ұсталады;
(с) кәсіпорын олардың күшін жоймақ ниетте болғанның өзінде қайталап шығаруға немесе алып-сатуға заң жүзінде ашық болады.
