Қазақстан Республикасы ?кіметінің 2003 жылғы 15 қазандағы № 1054 қаулысына өзгерiс пен толықтырулар енгізу туралы
Қазақстан Республикасы Үкіметінің 2005 жылғы 26 тамыздағы № 882 Қаулысы
ҚР Үкіметінің 2010 жылғы 30 маусымдағы № 674 Қаулысымен күші жойылды
Автомобиль өнеркәсiбiн дамыту және отандық машина жасауды тұрақты дамыту үшін қосымша инвестициялар тарту мақсатында Қазақстан Республикасының Үкіметі ҚАУЛЫ ЕТЕДI:
1. «Тауарларды жеткілікті дәрежеде қайта өңдеу өлшемдерiн бекіту туралы» Қазақстан Республикасы Үкiметінің 2003 жылғы 15 қазандағы № 1054 қаулысына (Қазақстан Республикасының ПҮКЖ-ы, 2003 ж., № 42, 440-құжат) мынадай өзгерiс пен толықтырулар енгiзiлсiн:
көрсетілген қаулымен бекiтілген Тауарларды жеткiлiктi дәрежеде қайта өңдеу өлшемдерiнде:
«СЭҚ TH коды» деген бағанындағы «8703-жолда көрсетiлген тауарлардан басқа, 8702-8704» деген сөздер мынадай редакцияда жазылсын:
«8703, 8702, 8704-жолдарда көрсетілген тауарлардан басқа, 8702-8704»;
мына:
| «8703-жолда көрсетiлген тауарлардан басқа, 8702-8704 | Автомобильдер,адамдарды тасымалдауға арналған жеңiл және өзге де моторлы көлiк құралдары, жүк жолаушы автомобильдердi, фургондар мен жарыс автомобильдерiн, жүк автомобильдерiн қоса алғанда | Дайындау, ол кезде пайдаланылатын тораптар мен детальдар құны түпкілікті өнім бағасының 50%-ынан аспауы тиiс, сондай-ақ мынадай технологиялық операцияларды орындау шартымен: қорапты (кабинаны) дайындау және сырлау; қозғалтқышты қондыру және бекіту, басқару тетiктерiн қозғалтқышқа қосу; радиаторларды қондыру және суыту жүйелерiн iске қосу; амортизаторларды бекіту, трансмиссияларды iске қосу; алдыңғы аспаларды және жартылай ocьтердi құру, артқы аспаны қондыру; рульмен басқарушы алдыңғы доңғалақтардың күпшегiмен бiрiктiру; доңғалақтарды қондыру және алдыңғы күпшектiң мойын тiректе рiнің тартылуын реттеу; оталдыру орауыштарын қондыру; рульмен басқарудың гидрожүйесiне, тежеу жүйесiне, гидроілінiсуге май құю және жел беру; фарларды, алдыңғы және артқы белгi беру шамдарын қондыру ч көрсетілген технологиялық және өндiрiстiк операцияларда қорапты (кабинадан) жасау және бояу орнына аспалы және көпірлерi бар қақпаны жасау жөніндегі операцияларды орындауға рұқсат берiледi» |
деген жолдан кейін мынадай мазмұндағы жолмен толықтырылсын:
| «8702,8704 | Жүргiзушіні қоса алғанда, адамдарды тасымалдауға арналған моторлы көлiк құралдары; жүктердi тасымалдауға арналған моторлы көлiк құралдары | Дайындау, ол кезде пайдаланылатын импортты тораптар мен детальдардыңқұны алғашқы жылы осытауар түрiн дайындаубасталатын күннен бастаптүпкіліктi өнiм бағасының95%-ынан аспауы тиiс;екiншi жылы түпкіліктiөнiм бағасының 90%-ы; үшіншіжылы түпкілiктi өнiмбағасының 80%-ы; төртiншіжылы түпкілiкті өнiмбағасының 70%-ы; бесiншiжылы түпкілiкті өнiмбағасының 60%-ы; алтыншыжылы түпкiлiктi өнiмбағасының 50%-ы, сондай-ақ автомобиль көлiгi құралда-рын дайындау үшінпайдаланылатын жекелегенжинақтаушы элементтердiңең аз тiзбесiнiң мыналардықамтуы шартымен: жинақталған қорап (дайындаубасталатын күннен бастаптөртiншi және кейiнгiжылдары дәнекерлeу және сырлау жөніндегі техноло-гиялық операциялардыорындай отырып, толықбөлшектелген қорапқолданылады); трансмиссия-лары бар қозғалтқыш; радиатор; жиынтықтағықозғалатын доңғалақ;алдыңғы жартылай осьтер(алдыңғы аспа); артқы аспа; аккумулятор; алдыңғыжәне артқы аспалардың амортизаторлары; қақпақша жүйелер; бекiткiш детальдардың жиынтығы»; |
мынадай мазмұндағы ескертумен толықтырылсын:
«осы тауарларды жеткiлiктi дәрежеде қайта өңдеу өлшемдерi iрi ауқымды инвестициялық жобаларды iске асыру шеңберiнде өндiрiлген 8702, 8704 тауар позицияларына ғана қолданылады.
Бұл ретте iрi ауқымды инвестициялық жоба деп тауар өндiрiсiнің басталатын күнiне негiзгi капиталға кемiнде 0,5 млрд. теңге инвестициялаған заңды тұлға жүзеге асыратын қазiргi заманғы автомобиль көлiгi құралдары мен автомобиль құрамдас бөлiктерiн шығару үшін өндiрiс қуаттарын құру немесе дамыту жөніндегі жоба түсiндiрiледi.
Инвестициялардың көлемін аудиторлық есеппен растау қажет».
2. Осы қаулы қол қойылған күнінен бастап қолданысқа енгiзiледi.
| Қазақстан Республикасының Премьер-Министрі | Д. Ахметов |
