39-ХБЕС Халықаралық бухгалтерлік есеп стандарты
Қаржы құралдары: тану және өлшеу
ТТК-33 түсіндірмені қара
Осы стандарт 2001 жылғы 1 қаңтардан немесе осы күннен кейін басталатын кезеңдерді қамтитын қаржы есептілігі үшін күшіне енеді. Оны неғұрлым ертерек 1999 жылғы 15 наурыздан, 39-ХБЕС шығарылған күннен кейін аяқталатын қаржы жылының басынан бастап қолдануға рұқсат етіледі. Ретроспективті қолдануға рұқсат етілмейді.
2000 жылғы қазанда 39-ХБЕС-на және кейбір басқа Халықаралық бухгалтерлік есеп стандарттарына 39-ХБЕС-на (27-ХБЕС-на, 28-ХБЕС-на, 31-ХБЕС-на және 32-ХБЕС-на) қатысы бар, жекелеген параграфтарды жақсарту мақсатын көздейтін және стандарттардың тізбекті қолданылуына көз жеткізуге көмектесетін бес шағын өзгерістер мақұлданған болатын.
2000 жылғы наурызда ХБЕСК 39-ХБЕС-ын сұрақтар мен жауаптар түрінде қолдану жөніндегі ұсыныстардың жариялануын көздейтін тәсілді мақұлдады. ХБЕСК Басқармасы арнайы осы мақсат үшін жасалған 39-ХБЕС-ын қолдануға қатысты ұсыныстар жөніндегі комитет кейін 39-ХБЕС бойынша сұрақтар мен жауаптар сериясын жариялады. Жоғарыда аталған ұсыныстарды ХБЕСК қараған жоқ, сондықтан оның ұстанымын міндетті түрде білдірмейді.
ТТК-нің төмендегі түсіндірмесі 39-ХБЕС-на қатысты:
• 33-ТТК «Бірігу және үлесті қатысу әдісі - ықтимал дауыс беру құқығы және иелердің үлестерін бөлу»
КІРІСПЕ
1. Осы стандартта (39-ХБЕС) қаржы активтері мен қаржы міндеттемелері туралы ақпаратты тану, өлшеу және ашып көрсету принциптері белгіленген. Осы стандарт 32-«Қаржы құралдары: ақпаратты ашу және беру» ХБЕС-дағы ақпаратты ашып көрсету жөніндегі ережелерді толықтырады.
Бастапқы ақпарат
