“Қаржы нарығын және қаржы ұйымдарын реттеу және қадағалау мәселелері бойынша Қазақстан Республикасының кейбір нормативтік құқықтық актілеріне өзгерістер енгізу туралы”
Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігі басқармасының 2005 жылғы 26 наурыздағы № 116 Қаулысы
Осы редакция 2005 ж. 27 тамыздағы енгізілген өзгерістеріне дейін қолданылды
Қазақстан Республикасының нормативтік құқықтық актілерін Қазақстан Республикасының Заңдарымен сәйкестендіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:
1. Қаржы нарығын және қаржы ұйымдарын реттеу және қадағалау мәселелері бойынша Қазақстан Республикасының кейбір нормативтік құқықтық актілеріне мынадай өзгерістер енгізілсін:
1) Қазақстан Республикасының Ұлттық комиссиясының "Бағалы қағаздар рыногында жұмыс істеу үшін мамандарды оқыту орталықтарында оқытуға рұқсат беру тәртібі туралы ережесі" 1996 жылғы 13 желтоқсандағы № 151 қаулысына (Қазақстан Республикасының нормативтік құқықтық актілерді мемлекеттік тіркеу тізілімінде № 250 тіркелген, Қазақстан Республикасының бағалы қағаздар рыногы бойынша нормативтік құқықтық актілер Жинағында 2001 жылы жарияланған,
IҮ том, Қазақстан Республикасы Ұлттық комиссиясының Қазақстан Республикасының мемлекеттік тіркеу тізілімінде № 406 тіркелген 1997 жылғы 2-қыркүйектегі № 138 қаулысымен және Қазақстан Республикасының нормативтік құқықтық актілерді мемлекеттік тіркеу тізілімінде № 782 тіркелген 1999 жылғы 20-сәуірдегі № 30 қаулыларымен енгізілген өзгерістер мен толықтырулары бар):
аты мынадай редакцияда жазылсын:
"Бағалы қағаздар рыногында жұмыс iстеу үшiн мамандар даярлау жөніндегі жұмысты жүзеге асыруға рұқсат беру ережесін бекіту туралы";
