Жоба
Еуразия экономикалық қоғамдастығына мүше мемлекеттердiң
үшінші елдерге қатысты сауда режимдерiн бірiздендiру туралы
ХАТТАМА
ҚР Үкіметінің 2005 ж. 27 қыркүйектегі № 951 Қаулысымен мақұлдады
Бұдан әрi Тараптар деп аталатын Беларусь Республикасының Үкіметі, Қазақстан Республикасының Үкiметі, Қырғыз Республикасының Үкіметі, Ресей Федерациясының Үкіметі және Тәжiкстан Республикасының Үкіметі,
Еуразия экономикалық қоғамдастығына (бұдан әрi - ЕурАзЭҚ) мүше мемлекеттердiң бірiздендiрiлген сауда режимдерiн қалыптастыру және үшiншi елдер рыноктарында теңгерiмдi сауда саясатын жүргiзу мақсатында,
1995 жылғы 6 және 20 қаңтардағы Кеден одағы туралы келісімдерге, 1999 жылғы 26 ақпандағы Кеден одағы және Бiртұтас экономикалық кеңiстiк туралы шартқа және 2000 жылғы 10 қазандағы Еуразия экономикалық қоғамдастығын құру туралы шартқа сәйкес қабылданған мiндеттемелердi толық көлемде орындауға дайындықтарын бiлдiре отырып,
төмендегілер туралы келiстi:
1-бап
Осы Хаттаманың мақсаттары үшiн мынадай негiзгi ұғымдар пайдаланылады:
"сауда режимi" - халықаралық шартпен және (немесе) ұлттық заңнамамен белгіленген тауарларды әкелу және (немесе) әкету тәртібін реттейтiн шаралар жиынтығы;
"еркiн сауда режимi" - оған сәйкес Тараптар өзара саудада Тараптардың бірiнiң кедендiк аумағынан шығарылатын әрi әкелiнетiн және халықаралық шарттарда көзделген шараларды қоспағанда, басқа Тараптың кедендiк аумағына әкетуге арналған тауарларды әкелуге және әкетуге баламалы әрекетi бар сандық шектеулердi, кедендiк баждарды, салықтар мен алымдарды қолданбайтын сауда режимi;
"неғұрлым қолайлы жағдай жасау режимi (НҚР)" - оған сәйкес Тараптар өзара саудада Тараптардың бірi кез келген үшiншi елден шығарылатын кез келген тауарға қатысты ұсынатыннан қолайлылығы кем емес құқықтар, артықшылықтар мен жеңiлдiктер беретiн сауда режимi. Тараптар үшіншi елдермен саудада мыналарға:
1) осындай баждар мен алымдарды алу тәсiлiн қоса алғанда, кедендiк баждарға және кедендiк алымдарға;
