Стенограмма заседания Мажилиса Парламента Республики Казахстан
(2 ноября 2005 года)
ҚАЗАҚСТАН РЕСПУБЛИКАСЫ ПАРЛАМЕНТ МӘЖІЛІСІНІҢ
ЖАЛПЫ ОТЫРЫСЫ
2005 жылғы 2 қараша
Отырысты Қазақстан Республикасы Парламенті Мәжілісінің Төрағасы МҰХАМЕДЖАНОВ О.Б. жүргізді.
ТӨРАҒА. Сәлеметсіздер ме, құрметті әріптестер! Тіркеуден өтулеріңізді сұраймын.
Тиісті жиналым бар. 77 депутаттың 54-і қатысып отыр. Белгілі себептермен бүгінгі отырысқа қатыса алмай отырған депутаттардың тізімі төмендегідей: Әбілқасымов, Есжанов, Жақиянов, Жалыбин, Жылқышиев, Кәрімов, Қалижанов, Мұхамеджанов Төлеген, Нығматулин, Сағадиев, Тілеухан, Түсіпов, Шаханов.
Сонымен Мәжілістің жалпы отырысын ашық деп жариялаймын. Күн тәртібі бойынша қандай пікірлер болады? Депутат Тінікеев.
ТІНІКЕЕВ М.Б. Уважаемые коллеги! В связи с тем, что по девятому вопросу - о проекте Закона Республики Казахстан "О внесении изменений и дополнений в некоторые законодательные акты Республики Казахстан по вопросам противодействия торговле людьми" (первое чтение) - вместо Сабыржана Мадиевича Бекбосунова будет докладывать Нугманов Серик Пикович, прошу заменить докладчика.
ТӨРАҒА. Қарсылық жоқ па? Тағы қандай пікірлер болады? Онда осы депутат Тінікеевтің ұсынысымен қоса күн тәртібі бекітілсін деген ұсынысқа дауыс берулеріңізді сұраймын.
Нәтижесін экранға беріңіздер. Күн тәртібі бірауыздан бекітілді. 53 депутат дауыс беруге қатысып, 53 депутат қолдады.
Құрметті әріптестер, кеше әріптесіміз Өтегенов Амангос Титаұлының туған күні болды. Бүгін әріптесіміз Есжанов Сауырбай Көлбайұлының туған күні. Осыған байланысты сіздердің аттарыңыздан осы азаматтарға зор денсаулық, отбасында береке, қызметтері жемісті болсын деп тілек білдіргім келеді.
ҚОЛ ШАПАЛАҚТАУ.
ТӨРАҒА. Күн тәртібіндегі мәселелерді қарауға көшеміз.
Бірінші мәселе - "Заңсыз жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" Қазақстан Республикасы Заңының жобасы бойынша қорытынды әзірлеу жөнінде.
