ҚР Ішкі істер министрінің 2014 жылғы 29 тамыздағы № 564, ҚР Бас Прокурорының 2014 жылғы 2 қыркүйектегі № 86, ҚР Ұлттық қауіпсіздік комитеті төрағасының 2014 жылғы 4 қыркүйектегі № 290, ҚР Қаржы министрінің 2014 жылғы 11 қыркүйектегі № 394, ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2014 жылғы 12 қыркүйектегі № 4 бірлескен бұйрығымен күші жойылды
Қазақстан Республикасы Бас Прокурорының
2005 жылғы 18 қазандағы № 56
Қазақстан Республикасы Ұлттық қауіпсіздік
комитеті төрағасының
2005 жылғы 22 қазандағы № 187
Қазақстан Республикасы Ішкі істер министрінің м.а.
2005 жылғы 6 қазандағы № 590
Қазақстан Республикасының Экономикалық қылмысқа
және сыбайлас жемқорлыққа қарсы
күрес агенттігі (қаржы полициясы) төрағасының
2005 жылғы 7 қазандағы № 214
бірлескен бұйрығымен бекітілген
Бұлтартпау шарасы ретінде үйде қамап
ұстауды қолдану туралы нұсқаулық
1. Жалпы ережелер
1. Осы Нұсқаулық алдын ала тергеу және анықтау органдары бұлтартпау шарасы ретінде пайдаланатын үйде қамап ұстауды қолданудың рәсімін нақтылайды.
2. Осы Нұсқаулықта қолданылатын негізгі ұғымдар:
Үйде қамап ұстау - қылмыстық іс жүргізу заңнамасында көзделген негіздер болған жағдайда прокурордың санкциясымен немесе соттың шешімімен күдікті мен айыпталушыға, оларды табиғи құқықтарын барынша қанағаттандыруға мүмкіндік беретін оқшаулау жағдайында қалдыра отырып, қолданылатын бұлтартпау шарасы.
Тұрғын үй - күдікті, айыпталушы ұдайы немесе уақытша өзі, отбасымен немесе басқа да адамдармен бірге тұратын пәтер, үй немесе бөлме, жүзу жағдайында - каюта, сондай-ақ өзен немесе теңіз кемесі, сондай-ақ қылмыстық процесті жүргізетін орган таңдап алған өзге арнайы орын немесе үй-жай.
Арнайы орын немесе үй-жай - бұл аурухана, клиника, пансионат, саяжай, өзге де орындар мен үй-жайлар.
2. Бұлтартпау шарасы ретінде үйде
қамап ұстауды қолдану
