Қазақстан Республикасы
Қаржы министрлігінің Салық комитеті
Төрағасының 2005 жылғы
12 желтоқсандағы № 554
бұйрығымен бекітілген
ҚР Қаржы министрлігі Салық комитеті Төрағасының 2006 жылғы 13 желтоқсандағы № 637 бұйрығымен күші жойылды
Резидент еместердің төлем көзінен ұсталатын жеке
табыс салығы сомасының есебін жасау ережелері
(201.01 Нысан)
1. Жалпы ережелер
1. Осы Ережелер “Салық және бюджетке төленетін басқа да міндетті төлемдер туралы” Қазақстан Республикасының Кодексіне (Салық Кодексі) сәйкес әзірленген және төлем көзінен ұсталған жеке табыс салығы сомасы кірістерін төлейтін салық агенті 201.01 нысаны бойынша (бұдан әрі - 201.01 нысаны бойынша есеп) Резидент еместердің төлем көзінен ұсталатын жеке табыс салығы сомасының есебін жасау тәртібін айқындайды:
2. Есепті жасау кезінде:
1) қағаз тасығышта - қара немесе көк сиялы қалам немесе қаламұшпен, баспа әріптермен немесе баспа құрылғысын пайдалана отырып толтырылады;
2) электрондық тасығышта - Салық кодексінің 69-бабына сәйкес толтырылады.
3. 201.01 нысан бойынша есепті толтыру кезінде түзетуге, өшіруге және тазалауға жол берілмейді.
4. Көрсеткіштер жоқ болған кезде тиісті торкөздер толтырылмайды.
5. Қосымша нысандардың “Жалпы ақпарат” бөлімінде Есептің “Салық агенті туралы жалпы ақпарат” бөлімінде көрсетілген тиісті көрсеткіштер көрсетіледі.
6. 201.01 нысан бойынша есепке 1-6 қосымша нысандар салық кезеңінің әр бір айы бойынша жеке толтырылады. Бұл кезде қосымша нысанның “Жалпы ақпарат” бөлімінде салық кезеңінің қай айы үшін осы нысан толтырылатыны көрсетіледі.
7. Тиісті қосымша нысанның деректері болған кезде аталған қосымша нысан міндетті тәртіпте толтыруға жатады. Тиісті қосымша нысанның деректері жоқ болған кезде көрсетілген қосымша нысан берлімейді.
8. Есепті беру кезінде:
1) қағаз тасығышта келу тәртібімен екі данада жасалады, бір данасы салық органының белгісімен салық агентіне қайтарылады;
2) тапсырысты хатпен хабарламамен почта бойынша - салық агенті почта немесе өзге байланыс ұйымының хабарламасын алады;
