Қаржы ұйымдарының басшы қызметкерлерін келісу мәселелері бойынша
Қазақстан Республикасының кейбір нормативтік құқықтық актілерінің күшін
жойғандығын тану және өзгерістер енгізу туралы Қазақстан Республикасы
Қаржы рыногын және қаржылық ұйымдарды реттеу мен қадағалау жөніндегі
агенттігі Басқармасының 2004 жылғы 12 маусымдағы № 159 қаулысы
Осы редакция 2006 ж. 9 қаңтардағы енгізілген өзгерістеріне дейін қолданылды
Қаржы ұйымдарының басшы қызметкерлерін келісу мәселелері бойынша нормативтік құқықтық актілерді жетілдіру мақсатында Қазақстан Республикасының қаржы нарығын және қаржы ұйымдарын реттеу мен қадағалау жөніндегі агенттігінің Басқармасы қаулы етеді:
1. Қазақстан Республикасының Ұлттық Банкі Басқармасының "Кредиттік серіктестіктерді лицензиялау ережесін бекіту және олардың басшы қызметкерлерін келісу туралы" 2003 жылғы 27 қазандағы № 380 қаулысына (Қазақстан Республикасының нормативтік құқықтық актілерінің мемлекеттік тіркелу тізілімінде № 2589 тіркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 2003 жылғы 1-14 желтоқсанда жарияланған, № 25) мынадай өзгерістер енгізілсін:
қаулының атындағы, 1-тармағындағы, 1, 2 қосымшасының жоғарғы оң жақ бұрышындағы "және олардың басшы қызметкерлерін келісу" деген сөздер алынып тасталсын;
аталған қаулымен бекітілген Кредиттік серіктестіктерді лицензиялау мен олардың басшы қызметкерлерін келісу ережесінде:
атындағы, ереженің 1-қосымшасының жоғарғы оң жақ бұрышындағы "және олардың басшы қызметкерлерін келісу" деген сөздер алынып тасталсын;
кіріспесіндегі ", сондай-ақ кредиттік серіктестіктің төрағасы және басқарма мүшелері, бас бухгалтері қызметіне ұсынылып отырған кандидаттарды келісу талаптары және тәртібі" деген сөздер алынып тасталсын;
