«Қазақстан Республикасында мемлекеттік басқаруды одан әрі жетілдіру туралы» Қазақстан Республикасы Президентінің 1998 жылғы 21 мамырдағы № 3958 Жарлығы (күші жойылды)

«Қазақстан Республикасында мемлекеттік басқаруды одан әрі жетілдіру туралы»
Қазақстан Республикасы Президентінің 1998 жылғы 21 мамырдағы № 3958 Жарлығы

ҚР Президентінің 2006.09.01. № 1696 Жарлығымен күші жойылды

Мемлекеттік басқару жүйесінің пәрменділігін арттыру, Қазақстан Республикасының жекелеген мемлекеттік органдарының функцияларын нақтылау мақсатында және Қазақстан Республикасының Конституциясы 44-бабының 3) тармақшасына сәйкес қаулы етемін:

1. Мыналар:

1) Қазақстан Республикасының Стратегиялық жоспарлау және реформалар жөніндегі агенттігі оның:

Үкімет құрамына кірмейтін орталық атқарушы орган ретінде Қазақстан Республикасының Стратегиялық жоспарлау және реформалар жөніндегі агенттігіне;

Қазақстан Республикасы Энергетика, индустрия және сауда министрлігінің Экономикалық жоспарлау жөніндегі комитетіне;

Қазақстан Республикасы Энергетика, индустрия және сауда министрлігінің табиғи монополияларды реттеу және бәсекелестікті қорғау жөніндегі комитетіне бөлу жолымен қайта құрылсын;