Жоба
Қазақстан Республикасы Президентінің
Жарлығы
Қазақстан Республикасы Президентінің 2004 жылғы 11 маусымдағы
№ 1388 Жарлығына өзгерістер мен толықтырулар енгізу туралы
ҚР Үкіметінің 2006.22.05. № 435 Қаулысымен ҚР Президентінің қарауына енгізілді
«Қазақстан Республикасының Президенті туралы» Қазақстан Республикасының 1995 жылғы 26 желтоқсандағы Конституциялық заңының 20-бабына сәйкес қаулы етемін:
1. «Қазақстан Республикасында тұрғын үй құрылысын дамытудың 2005 - 2007 жылдарға арналған мемлекеттік бағдарламасы туралы» Қазақстан Республикасы Президентінің 2004 жылғы 11 маусымдағы № 1388 Жарлығына (Қазақстан Республикасының ПYАЖ-ы, 2004 ж., № 26, 329-құжат) мынадай өзгерістер мен толықтырулар енгізілсін:
жоғарыда аталған Жарлықпен бекітілген Қазақстан Республикасында тұрғын үй құрылысын дамытудың 2005 - 2007 жылдарға арналған мемлекеттік бағдарламасында:
"Тұрғын үй құрылысының қазіргі заманғы жай-күйін талдау" деген 3-бөлімде:
"Ипотекалық кредит беру" деген 3.6-кіші бөлімде:
тоғызыншы және оныншы абзацтар алынып тасталсын;
мынадай мазмұндағы 3.6-1-кіші бөліммен толықтырылсын:
"3.6-1. Ипотекалық кредиттерге кепілдік беру және сақтандыру жүйесі.
Ипотекалық кредит беруді серпінді дамытуда ипотекалық кредиттерге кепілдік беру және сақтандыру жүйелері айтарлықтай рөл атқарады. Ипотекалық кредиттерге кепілдік беру және сақтандыру жүйелері екінші деңгейдегі банктер мен ипотекалық кредиттерге кепілдік беруді және сақтандыруды жүзеге асыратын ұйымдар арасындағы кредит бойынша кредиттік тәуекелдерді бөлу жолымен ипотекалық кредиттерге қолжетімділікті арттыру үшін қолайлы жағдайлар жасауға бағытталған.
