Салық заңдарын қолданудың сот практикасы туралы
Қазақстан Республикасы Жоғарғы Сотының 2006 жылғы 23 маусымдағы № 5 нормативтік қаулысы
ҚР Жоғарғы Сотының 2013 жылғы 27 ақпандағы № 1 нормативтікқаулысымен күші жойылды
Салық заңдарының жекелеген нормаларын түсіндірудің қажеттілігіне байланысты Қазақстан Республикасы Жоғарғы Сотының жалпы отырысы қаулы етедi:
1. «Салық және бюджетке төленетін басқа да міндетті төлемдер туралы Қазақстан Республикасының 2001 жылғы 12 маусымдағы Кодексінің (Салық кодексі)» (бұдан әрі - Салық кодексі) 2-бабының 1-тармағына сәйкес салық заңдары Салық кодексінен және қабылдануы осы Кодексте көзделген басқа да нормативтік құқықтық актілерден тұрады. Мұндай нормативтік құқықтық актілерге Yкіметтің нормативтік қаулылары, салық қызметі органдарының жүйесіндегі уәкілетті мемлекеттік орган басшысының нормативтік құқықтық бұйрықтары, сондай-ақ Сыртқы істер министрінің консулдық алымдардың нақты ставка мөлшерін белгілеу туралы (Салық кодексінің 511-бабының 2-тармағы) нормативтік құқықтық бұйрықтары және жекелеген салық және бюджетке төленетін басқа да міндетті төлемдердің ставкаларын белгілеу туралы жергілікті уәкілетті органдардың нормативтік құқықтық шешімдері жатады.
