Жоба
Қазақстан Республикасы Президентінің
Жарлығы
Қазақстан Республикасының Мемлекеттік протоколын бекіту туралы
ҚР Үкіметінің 2006 жылғы 17 тамыздағы № 779 Қаулысымен ҚР Президентінің қарауына енгізілді
Қазақстан Республикасында Мемлекеттік протоколдың бірыңғай нормаларын сақтау мақсатында ҚАУЛЫ ЕТЕМІН:
1. Қоса беріліп отырған Қазақстан Республикасының Мемлекеттік протоколы бекітілсін.
2. Қосымшаға сәйкес Қазақстан Республикасы Президентінің кейбір актілерінің күші жойылды деп танылсын.
3. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президентi
Астана, Ақорда, 2006 жылғы
№
Қазақстан Республикасы
Президентінің
2006 жылғы ____
№__ Жарлығымен
Бекітілген
Қазақстан Республикасының
Мемлекеттік протоколы
Қазақстан Республикасының Мемлекеттік протоколы (бұдан әрі - Мемлекеттік протокол) қалыптасқан халықаралық тәжірибеге сәйкес Қазақстан Республикасының басшылығы қатысатын ресми іс-шараларды өткізудің рәсімдік ережелерін реттейді.
Мемлекеттік протокол бірыңғай протоколдық-ұйымдастыру нормаларын орнықтырады әрі қамтамасыз етеді, 1, 2-қосымшаларға сәйкес мемлекетішілік және халықаралық іс-шараларды өткізген кезде Қазақстан Республикасы лауазымды адамдарының протоколдық үлкендік реті қағидатын бекітеді және протоколдық іс-шараларды жоспарлау мен жүзеге асыру кезінде Қазақстан Республикасының барлық мемлекеттік органдарының және ұйымдарының орындауы үшін міндетті болып табылады.
Қазақстан Республикасы мемлекеттік органдарының Мемлекеттік протоколды сақтауын бақылауды Қазақстан Республикасы Сыртқы істер министрлігі (бұдан әрі - Сыртқы істер министрлігі) жүзеге асырады.
1-бөлім. Шетелдік делегациялар
сапарларының жіктелуi
