Жоба
Қазақстан Республикасының
Заңы
«Терроризмге қарсы күрес туралы» Қазақстан Республикасының Заңына
өзгерістер мен толықтырулар енгізу туралы
Қазақстан Республикасы Үкіметінің 2007 жылғы 27 маусымдағы № 533 Қаулысымен қайтарып алынды
1-бап. «Терроризмге қарсы күрес туралы» Қазақстан Республикасының 1999 жылғы 13 шілдедегі Заңына (Қазақстан Республикасы Парламентінің Жаршысы, 1999 ж., № 19, 649-құжат; 2002 ж. № 4, 32-құжат; 2005 ж. № 23, 142-құжат) мынадай өзгерістер мен толықтырулар енгізілсін:
1) 1-бапта:
6) тармақша мынадай редакцияда жазылсын:
«террористік ұйым - Қазақстан Республикасының және (немесе) басқа мемлекеттің аумағында террористік іс-әрекетті жүзеге асыратын және сот террористік деп таныған заңды тұлға немесе заңды тұлғалар бірлестігі, шетелдік немесе халықаралық ұйым не террористік мақсатты көздейтін қылмыстарды жасау үшін құрылған қылмыстық топтар бірлестігі;»;
8) тармақшаның екінші бөлігі мынадай редакцияда жазылсын:
«Тізбесі Қазақстан Республикасының заңнамалық актілерінде белгіленген күзетілетін адамдардың қауіпсіздігін қамтамасыз ету жөніндегі күзет ic-шаралары терроризмге қарсы операцияларға жатады»;
мынадай мазмұндағы 11), 12) және 13) тармақшалармен толықтырылсын;
«11) терроризмге қарсы күрес - террористік іс-әрекеттің алдын алу, анықтау, жолын кесу және оның зардаптарын барынша азайту жөніндегі іс-қимыл;
12) терроризмді қаржыландыру - террористік іс-әрекетті жүзеге асыру үшін террористерді және (немесе) террористік ұйымдарды ақшалай және (немесе) өзге де мүлікпен қамтамасыз ету;
13) терроризмге қарсы күресті үйлестіру жөніндегі уәкілетті мемлекеттік орган - Қазақстан Республикасының Президенті белгілейтін және терроризмге қарсы күрес саласында мемлекеттік реттеуді өзінің өкілеттігі шегінде жүзеге асыратын мемлекеттік орган.»;
2) 2-бапта:
тақырыптағы «күрес саласындағы» деген сөздер «күрес туралы» деген сөздермен ауыстырылсын;
1-тармақ мынадай редакцияда жазылсын:
