Қазақстан Республикасының Ұлттық Банкі Басқармасының кейбір қаулыларына өзара сақтандыру мәселелері бойынша өзгерістер мен толықтырулар енгізу туралы
Қазақстан Республикасының Ұлттық Банкі Басқармасының 2006 жылғы 9 қазандағы № 103 Қаулысы
2011 жылғы 1 шілдеден бастап ҚР Ұлттық Банкі Басқармасының 2010 жылғы 1 қарашадағы № 88 Қаулысымен күші жойылды
«Өзара сақтандыру туралы» Қазақстан Республикасы Заңының қабылдануына байланысты Қазақстан Республикасы Ұлттық Банкінің Басқармасы қаулы етеді:
1. Қазақстан Республикасының Ұлттық Банкі Басқармасының «Сақтандыру (қайта сақтандыру) ұйымдарының және сақтандыру брокерлерінің қаржылық есебінің тізбесі, нысандары мен ұсыну мерзімдері туралы нұсқаулықты бекіту жөнінде» 2003 жылғы 25 шілдедегі № 241 қаулысына (Нормативтік құқықтық актілерді мемлекеттік тіркеу тізілімінде № 2467 тіркелген, Қазақстан Республикасының Ұлттық Банкі Басқармасының Нормативтік құқықтық актілерді мемлекеттік тіркеу тізілімінде № 3307 тіркелген, «Қазақстан Республикасының Ұлттық Банкі Басқармасының «Сақтандыру (қайта сақтандыру) ұйымдарының және сақтандыру брокерлерінің қаржылық есебінің тізбесі, нысандары мен ұсыну мерзімдері туралы нұсқаулықты бекіту жөнінде» 2003 жылғы 25 шілдедегі № 241 қаулысына өзгерістер енгізу туралы» 2004 жылғы 22 қарашадағы № 160 қаулысымен енгізілген өзгерістерімен қоса, 2005 жылғы 12 қаңтардағы № 6 «Егемен Қазақстан» газетінде жарияланған) мынадай өзгерістер мен толықтырулар енгізілсін:
көрсетілген қаулымен бекітілген Сақтандыру (қайта сақтандыру) ұйымдарының және сақтандыру брокерлерінің қаржылық есебінің тізбесі, нысандары мен ұсыну мерзімдері туралы нұсқаулықта (бұдан әрі - Нұсқаулық):
жоғарғы оң жақ бұрышында «Сақтандыру (қайта сақтандыру) ұйымдарының және сақтандыру брокерлерінің қаржылық есебінің тізбесі, нысандары мен ұсыну мерзімдері туралы нұсқаулықты бекіту туралы» деген сөздер алынып тасталсын;
