Қоғамдық тәртіп пен қоғамдық қауіпсіздікті қамтамасыз ету жөніндегі қосымша шаралар туралы
Алматы қаласы әкімдігінің 2005 жылғы 7 сәуірдегі № 2/196 Қаулысы
Қазақстан Республикасының «Экстремизмге қарсы қимылдар туралы», «Терроризммен күрес туралы» және «Ішкі істер басқармалары туралы» Заңдарына сәйкес, адамдардың көп жиналған жерлерінде қоғамдық тәртіп пен қауіпсіздікті қамтамасыз ету, экстремизм, терроризм қаупін кесу жөніндегі шараларды қабылдау, сондай-ақ азаматтардың өміріне, денсаулығына және мүлкіне қылмыстық қастандықтарды болдырмау мақсатында, Алматы қаласының Әкімдігі ҚАУЛЫ ЕТЕДІ:
1. Қаладағы қызметі ірі қолма қол ақша айналымымен және көпшілік халыққа қызмет көрсететін іскерлік ұйымдарға мыналар ұсынылсын (автожанаржағармай кұю станциясы, ақша айырбастау тіректері, ойын автоматтары, салондар, казино, түнгі клубтар, кинотеатрлар және басқалар) (бұдан әрі-Ұйымдар):
Ұйымдардың тиісті нысандарында кіретін топтар мен айналасындағы аумақты қамти отырып және 7 тәуліктен кем емес мәліметтерді сақтай отырып ашық бейнебақылау жүйесін, сондай-ақ, дабыл қаққыш құралдарын қондырсын (дабыл түймелер, дабыл басқылар) осылар жақын арадағы ішкі істер бөлімінің қабылдау орталығына қосылсын;
жүргізілген бейнебақылаулар бойынша азаматтарды көрнекі ақпараттауды көздесін (ілінген назар аударғыштар, плакаттар);
нысандарды тиісті лицензиясы бар білікті күзет қызметтерімен күзету қамтамасыз етілсін.
2. Алматы қаласы Ішкі істер бас басқармасы (М. М.Оразәлиев):
белгіленген заң тәртібінде жоғарыда аталған міндеттерді орындауға қажетті қару мен арнайы кұралдарға тиісті рұқсат ресімдеуге көмек көрсетілсін;
