Қазақстан Республикасы мен Түркия Республикасы
арасындағы азаматтық iстер жөніндегі құқықтық көмек туралы
ШАРТ
(Алматы қ. 1995 ж. 13 маусым)
1997 жылғы 31 қазандағы № 180-I ҚР Заңымен бекітілді
1999 жылы 2 қазанда күшіне енді
Қазақстан Республикасы мен Түркия Республикасы (бұдан әрi "Уағдаласушы Тараптар" деп аталатын),
егемендiктi, теңдiктi өзара құрметтеу және өзара пайданың негiзiнде құқықтық саладағы ынтымақтастықты қамтамасыз ету мақсатында, осымен Азаматтық iстер жөніндегі құқықтық көмек туралы шартты жасасу туралы шешiм қабылдады.
Осы мақсатпен екi Уағдаласушы Тарап төмендегiлер жайында келісімге келдi:
I-БӨЛIМ
Жалпы ережелер
1-Бап
Құқықтық қорғау
Бiр Уағдаласушы Тараптың азаматтары екiншi Уағдаласушы Тараптың аумағында екiншi Уағдаласушы Тараптың өзiнiң азаматтарына жасағанындай құқықтық көмектi пайдаланатын болады, сот iсiн бастауға немесе тиiстi өтiнiштерiн екiншi Уағдаласушы Тараптың сот өкiмет орындарына беруге құқықты, олар азаматтық iстердi өздерiнiң азаматтары үшiн жасалған жағдайларда олардың тиiстi ұлттық заңдарына сәйкес қарайтын болады.
2-Бап
Құқықтық көмек арналары
Екi Уағдаласушы Тарап осы Шартқа сәйкес бiр-бiрiне құқықтық көмек көрсету үшiн, бұған 11-Бапқа сәйкес қабылданған iс-шараларды қоспағанда, өкiмет органдарын тағайындайды.
Қазақстан Республикасы тарапынан Орталық өкiмет органы Әдiлет министрлігі болып табылады. Түркия Республикасы тарапынан Орталық өкiмет орны Әдiлет министрлігі болып табылады.
3-Бап
Тiл
1. Екi Уағдаласушы Тараптың Орталық өкiмет орындарының арасындағы хат-хабар алысуда олардың ағылшын және орыс тiлдерiне аудармасы бар тiлдерi қолданылатын болады.
