Көркемдік-эксперттік кеңестер туралы ереже (Қазақстан Республикасы Мәдениет және ақпарат министрінің 2007 жылғы 23 ақпанадығы № 51 бұйрығымен бекітілген)

Қазақстан Республикасы

Мәдениет және ақпарат министрінің

2007 жылғы 23 ақпанадығы

№ 51 бұйрығымен бекітілген

Көркемдік-эксперттік кеңестер туралы

 ереже

1. Көркемдік-эксперттік кеңестер туралы ереже Қазақстан Республикасының 2006 жылғы 15 желтоқсандағы «Мәдениет туралы» Заңына негізделіп жасалған (әрі қарай - Ереже).

2. Бейнелеу және сәндік қолданбалы өнер бойынша Көркемдік-эксперттік кеңестер (әрі қарай - Кеңестер) мәдениет саласындағы құзырлы органның немесе жергілікті атқарушы органның (республикалық маңыздағы қалалардағы, астаналық) жанынан құрылып, мемлекеттік мұражайлар қорына сатып алу мақсатында жасалған туындылардың бейнелеу және сәндік қолданбалы өнер шығармаларына жататындығын анықтау, Қазақстан Республикасының аумағында орналасқан шығармашылық одақтар (олардың ұжымдық-құқықтық формасына қарамастан) мен жекелеген шеберлердің жұмыстарын үйлестіру міндеттерін атқарады.

3. Кеңестердің негізгі қызметі мыналар:

1) жасалған туындылардың бейнелеу және сәндік қолданбалы өнер шығармаларына жататындығын анықтау;

2) бейнелеу және сәндік қолданбалы өнерді сақтау, жандандыру және дамытуға бағытталған шаралар қолдануға және ғылыми негізделеген аймақтық саясат жүргізуге қатысу;

3) бейнелеу және сәндік қолданбалы өнер дәстүрлерін және ұлттық мәдени мұраны сақтау салаларындағы қатынастарды құқықтық реттеуді жетілдіру бойынша ұсыныстар әзірлеу;