Қазақстан Республикасы Үкіметінің 2006 жылғы 28 қарашадағы № 1127 қаулысына
өзгерістер мен толықтырулар енгізу туралы
Қазақстан Республикасы Үкіметінің 2007 жылғы 28 мамырдағы № 431 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Орта мерзімді кезеңге арналған (2007-2009 жылдарға арналған) концессияға беруге ұсынылатын объектілердің тізбесін бекіту туралы» Қазақстан Республикасы Үкіметінің 2006 жылғы 28 қарашадағы № 1127 қаулысына (Қазақстан Республикасының ПҮАЖ-ы, 2006 ж., № 42, 471-құжат) мынадай өзгерістер мен толықтырулар енгізілсін:
көрсетілген қаулымен бекітілген орта мерзімді кезеңге арналған (2007-2009 жылдарға арналған) концессияға беруге ұсынылатын объектілердің тізбесінде:
«Жұмыс істеп тұрған мемлекеттік меншік объектілері» деген 1-бөлім алынып тасталсын;
«Салынуы және пайдаланылуы концессия шарттарының негізінде жүзеге асырылатын объектілер» деген 2-бөлімде:
тақырыптағы «2» деген сан алынып тасталсын;
реттік нөмірлері 2, 3, 4, 5, 6, 14, 15-жолдар алынып тасталсын;
реттік нөмірі 9-жолдың 2-бағанындағы «Қорғас-Сарыөзек» деген сөздер «Қорғас-Жетіген» деген сөздермен ауыстырылсын;
реттік нөмірі 18-жолдың 3-бағанындағы «Алматы қаласының әкімдігі» деген сөздер «ККМ» деген аббревиатурамен ауыстырылсын;
мынадай мазмұндағы реттік нөмірлері 19, 20-жолдармен толықтырылсын:
| «19. | Атырау облысындағы интеграцияланған мұнай-химия кешенін инфрақұрылымдық қамтамасыз ету объектілері | ЭМРМ |
| 20. | Ақтау халықаралық әуежайының жолаушылар терминалы | Маңғыстау облысының әкімдігі ». |
2. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.
| Қазақстан Республикасының Премьер-Министрі | К. Мәсімов |
