Қазақстан Республикасы Yкіметінiң 1997 жылғы 20 тамыздағы № 1272 және
1999 жылғы 31 наурыздағы № 343 қаулыларына өзгерістер мен толықтырулар
енгізу туралы Қазақстан Республикасы Үкіметінің
2002 ж. 23 желтоқсандағы № 1347 қаулысы
Осы редакция 2007 ж. 28 маусымдағы енгізілген өзгерістеріне дейін қолданылды
"Ветеринария туралы" Қазақстан Республикасының 2002 жылғы 10 шiлдедегi Заңының 12-бабына сәйкес Қазақстан Республикасының Yкіметі қаулы етеді:
1. Қазақстан Республикасы Үкіметінiң кейбір шешiмдерiне мынадай өзгерістер мен толықтырулар енгiзiлсiн:
1) "Қазақстан Республикасындағы малдәрiгерлiк қызметтi лицензиялау туралы ереженi бекіту туралы" Қазақстан Республикасы Yкіметінiң 1997 жылғы 20 тамыздағы № 1272 қаулысына (Қазақстан Республикасының ПYКЖ-ы, 1997 ж., № 38, 365-құжат):
көрсетiлген қаулымен бекітілген Қазақстан Республикасындағы мал дәрiгерлiк қызметтi лицензиялау туралы ережеде:
2-тармақ мынадай мазмұндағы абзацтармен толықтырылсын:
"жануарлардан алынатын өнiмдер мен шикiзаттарды базарларда ветеринариялық-санитариялық сараптау;
зертханалық-диагностикалық қызмет";
24-тармақта:
үшiншi абзац мынадай редакцияда жазылсын:
"ветеринариялық қызметке лицензия алуға үмiткер заңды тұлға басшысының не оның ветеринария саласындағы құрылымдық бөлiмшесi басшының арнайы ветеринариялық білімi және мамандығы бойынша 3 жылдан кем емес жұмыс стажы болуы тиiс;";
