«Бағалы қағаздары Алматы қаласының өңірлік қаржы орталығының арнайы
сауда алаңының тізіміне енгізу болжамдалған немесе енгізілген эмитенттерге,
сонымен қатар осындай бағалы қағаздарға қойылатын талаптар туралы»
Қазақстан Республикасы Алматы қаласының өңірлік қаржы орталығының
қызметін реттеу Агенттігі төрағысының 2006 жылғы 8 қыркүйектегі № 5 Қаулысы
Осы редакция 2007 жылғы 2 қыркүйектегі енгізілген өзгерістеріне дейін қолданылды
Қазақстан Республикасының «Алматы қаласының өңірлік қаржы орталығы туралы» Заңы 6 бабының 5) тармақшасына сәйкес бұйырамын:
1. Осы бұйрықтың мақсаттары үшін келесі ұғымдарды қолдану белгіленсін:
1) делистинг - бағалы қағаздарды Алматы қаласының өңірлік қаржы орталығының (әрі қарай - қаржы орталығы) арнайы сауда алаңының сауда-саттықтарын ұйымдастырушының ресми тізімінен уақытша немесе әрдайым шығаруы;
2) рұқсат ететін бастаушы - бағалы қағаздарды қаржы орталығының арнайы сауда алаңында айналымда енгізуге рұқсат етушінің бастамашылығы бойынша ұйымдастыру;
3) листинг бастаушы - бағалы қағаздарды қаржы орталығының арнайы сауда алаңында ресми тізімделудің бастамашылығы бойынша ұйымдастыру;
4) листинг - бағалы қағаздарды қаржы орталығының арнайы сауда алаңының сауда-саттықтарын ұйымдастырушының ресми тізіміне енгізу және онда болуы;
5) қаржы орталығының арнайы сауда алаңының листинг комиссиясы - сараптау кеңесі үшін қорытынды дайындау (бағалы қағаздар және оның эмитенттері туралы ақпараттарды талдау, сондай-ақ, бағалы қағаздар мен олардың эмитенттерін листинг талаптарына сәйкестігін тексеру нәтижелері негізінде) негізгі мақсаты болып табылатын, құрамына сауда-саттықты ұйымдастырушының және Алматы қаласының өңірлік қаржы орталығының қызметін реттеу агенттігінің (әрі қарай - Агенттік) өкілдері кіретін, қаржы орталығының арнайы сауда алаңының сауда-саттықтарын ұйымдастырушының құрылымнан тыс бөлімшесі;
