Байланыс және хабар тарату ұлттық геостационарлық спутнигiн жасау және
ұшырудың кейбір мәселелерi Қазақстан Республикасы Үкіметінің 2003 жылғы
30 желтоқсандағы № 1355 қаулысы
(2006.23.03. берілген өзгерістер мен толықтырулармен)
Осы редакция 2007 жылғы 31 қазандағы енгізілген өзгерістеріне дейін қолданылды
Ұлттық байланыс және хабар тарату спутниктiк жүйесiн дамыту мақсатында Қазақстан Республикасының Yкіметi ҚАУЛЫ ЕТЕДІ:
1. Қазақстан Республикасы Көлiк және коммуникациялар министрлігінiң, Қазақстан Республикасы Ақпарат министрлігінiң, Қазақстан Республикасы Қорғаныс министрлiгінің және Қазақстан Республикасы Ақпараттандыру және байланыс жөніндегі агенттiгінiң ұлттық геостационарлық байланыс және хабар тарату спутнигін жасау және ұшыру туралы ұсынысына (бұдан әpi - жоба) келісім берiлсiн.
2. Жарғылық капиталына мемлекет жүз пайыз қатысатын "Ғарыштық байланыс және радиоэлектрондық құралдардың электр магниттiк үйлесiмдiлiгi республикалық орталығы" акционерлік қоғамы (бұдан әрi - Қоғам) құрылсын.
ҚР Үкіметінің 2005.18.10. № 1044 қаулысымен 2-1-тармақпен толықтырылды
2-1. Қоғам мыналарды ұйымдастыру жөніндегі уәкілетті ұйым болып белгiленсiн:
1) ұлттық ғарыштық байланыс және хабар тарату аппараттарын және олардың ұшуын жерден басқару кешенiн пайдалану;
2) электр магниттік үйлесімділікті есептеудi жүргiзудi қоса алғанда, азаматтық мақсаттағы радиоэлектронды құралдар мен жоғары жиілікті құрылғылардың электр магниттiк үйлесiмдiлiгiн қамтамасыз ету.
ҚР Үкіметінің 2006.23.03. № 200 қаулысымен 3) тармақшамен толықтырылды
3) байланыс және хабар тарату ұлттық геостационарлық спутниктерінің техникалық тапсырмаларын және техника-экономикалық негіздемелерін әзірлеу.
ҚР Үкіметінің 2005.18.10. № 1044 қаулысымен 3-тармақ өзгертілді (бұр. ред. қара)
3. Жүктелген өкiлеттiктердi iске асыру үшiн Қоғам мынадай қызметтi жүзеге асырады:
