Аурулардың диагностикасы және емдеу хаттамалары(педиатриялық саладағы стационарлар үшін) «Балалардың гипертрофиялы, дилятациялы кардиомиопатиясы. Хаттама коды: H-P-008» (Алматы 2007 ж.)

Қазақстан Республикасы Денсаулық сақтау министрлігі
Денсаулық сақтауды дамыту институты

Аурулардың диагностикасы және емдеу хаттамалары

(педиатриялық саладағы стационарлар үшін)

Алматы 2007 ж.

Балалардың гипертрофиялы, дилятациялы кардиомиопатиясы

1. Балалардың гипертрофиялы, дилятациялы кардиомиопатиясы

2. Хаттама коды: H-P-008

3. АХЖ-10 бойынша коды (кодтары):

I42.0 Дилатациялық кардиомиопатия

I42.1 Обструктивтік гипертрофиялық кардиомиопатия

4. Анықтамасы: Кардиомиопатия - басты белгілері кардиомегалия, миокардтың жиырылу қабілетінің бұзылуы мен қан айналу бұзылысы болып табылатын этиологиясы белгісіз миокард ауруы.

Миокардта өзгерістер тұрақтылығы, бірқатар жағдайларда олардың үдеуі бұнымен бірге эндокард, перикард процесіне кіруі, қабыну белгілерінің болмауы, барлық жастағы балалардың ауруға бірдей шалдығуы аталған патологиялық процестің сипатты белгілері болып табылады.

Гипертрофиялық кардиомиопатия айқын миокард гипертрофиясымен, көбінесе сол жақ қарыншада, қарыншааралық қалқаның, қуыстар дилятациясыз сипатталады.

Дилятациялық кардиомиопатия қарыншалар қабырғасының аздаған гипертрофиясы кезінде айқын дилятациясымен (жиі жағдайда сол жақ қарыншада), миокард жиырылуының кенеттенгі төмендеуі мен жүрек жеткіліксіздігінің үдеуі, жүрек ырғағының бұзылуы мен тромбоэмболияға ұшырауымен сипатталады.

5. Жіктемесі (ДДҰ, 1996):

I Идиопатиялық кардиомиопатии (белгісіз генез):

- гипертрофиялық (обструктивтік, обструктивті емес);

- дилятациялық;

- рестриктивтік;

- оң жақ қарыншаның аритмогендік дисплазиясы;

- перипарталды.

II Спецификалық кардиомиопатиялар:

1. жұқпалы (вирустық, бактериалды, риккетсиозды, саңырауқұлақты, протозойлы);

2. метаболикалық:

- эндокриндік (акромегалия, гипокортицизм, тиреотоксикоз, микседема, семіру,

қант диабеті, феохромоцитома кезінде);

- инфильтративті және гранулематозды процестерде, жиналу ауруларында (амилоидоз, гемохрамотоз, саркоидоз, лейкоз, мукополисахаридоз, гликогеноз, липидоз);

- микроэлемент тапшылығында (калий, магний, селен және т.б), витаминдер мен қоректі заттар, қан аздығы;

3. дәнекер тіндердің жүйелік ауруларында;

4. жүйелі нейро-бұлшықеттік ауруларда:

- нейро-бұлшықеттік бұзылуларда (Фридрейх атаксиясы, Нунан синдромы, лентигиноз);

- бұлшықеттік дистрофияларда (Дюшенн, Беккер, миотония) ;