Қазақстан Республикасы Президентінің кейбір жарлықтарына өзгерістер мен
толықтырулар енгізу туралы Қазақстан Республикасы Президентінің 2003
жылғы 16 мамырдағы № 1094 Жарлығы
(ҚР Президентінің 17.01.04 ж. № 1284
Жарлығымен енгізілген өзгерістерімен)
Осы редакция 2008 жылғы 11 наурыздағы енгізілген өзгерістеріне дейін қолданылды
Қаулы етемін:
ҚР Президентінің 17.01.04 ж. № 1284 Жарлығымен 1-тармақ өзгертілді
1. Қазақстан Республикасы Президентінің мынадай жарлықтарына өзгерістер мен толықтырулар енгiзiлсiн:
1) Қазақстан Республикасы Президентінің "Мемлекеттік саяси қызметшiлер лауазымдарының тiзiлiмi мен мемлекеттік саяси қызметшiлерге тәртiптiк жаза қолдану тәртібі туралы ереженi бекіту туралы" 1999 жылғы 29 желтоқсандағы № 317 Жарлығына (Қазақстан Республикасының ПYАЖ-ы, 1999 ж., № 58, 559-құжат; 2002 ж., № 18, 196-құжат; № 32, 339-құжат):
аталған Жарлықпен бекітілген Мемлекеттік саяси қызметшiлер лауазымдарының тiзiлiмiнде:
"Қазақстан Республикасы Президентi Әкiмшiлiгiнiң Басшысы, оның орынбасарлары" деген жол мынадай редакцияда жазылсын:
"Қазақстан Республикасы Президентi Әкiмшiлігінiң Басшысы, оның бiрiншi орынбасары мен орынбасарлары";
"Қазақстан Республикасының Президентiне тiкелей бағынатын және есеп беретiн мемлекеттік органдардың басшылары, олардың бiрiншi орынбасарлары мен орынбасарлары" деген жолдан кейiн мынадай мазмұндағы жолмен толықтырылсын:
"Адам құқықтары жөніндегі уәкiл";
"Облыстардың, астананың және республикалық маңызы бар қаланың әкiмдерi, олардың бiрiншi орынбасарлары мен орынбасарлары" деген жолдан кейiн мынадай мазмұндағы жолмен толықтырылсын:
"Облыстардың, астананың және республикалық маңызы бар қаланың әкiмдерi аппараттарының басшылары";
"Қазақстан Республикасы Президентi Кеңсесiнiң меңгерушiсi, оның орынбасарлары" деген жол мынадай редакцияда жазылсын:
"Қазақстан Республикасы Президентi Әкiмшiлiгі Кеңсесiнiң меңгерушiсi";
