Қазақстан Республикасы
Қаржы министрінің
19 желтоқсандағы 2007 жылғы
№ 469 бұйрығымен бекітілген
ҚР Қаржы министрінің 2011 жылғы 23 маусымдағы № 325 бұйрығымен күші жойылды
«Қазақстан Республикасы көзінен алынған табыстар және ұсталған салықтар сомалары туралы анықтама беру»
мемлекеттік қызмет көрсетудің стандарты
1. Жалпы ережелер
1. Қазақстан Республикасы көзінен алынған табыстар және ұсталған салықтар сомалары туралы анықтама беру (бұдан әрі - анықтама) - бұл резидент емес табыстарының көлемі мен көздерін көрсететін құжаттарды, сонымен қатар Қазақстан Республикасы көздерінен табысты ұстайтын және төленген салық сомалары туралы ақпаратты беру бойынша салық органдарының қызметі. Анықтама Қазақстан Республикасына төленген салықты есепке алуын (есептен шығарылуын) алу және екі рет салық төлемеуді болдырмау мақсатында қажет.
2. Табыс туралы анықтама беру бойынша қызмет кей жерлерінде автоматтандырылған.
3. Анықтама беру бойынша қызмет Қазақстан Республикасының «Салықтар және бюджетке басқа да міндетті төлемдер туралы» Кодексінің (Салық кодексі) 204-бабы негізінде ұсынылады.
4. Анықтама беру бойынша қызмет Қазақстан Республикасының салық органдарымен көрсетіледі.
5. Тұтынушы алатын көрсетілетін мемлекеттік қызметтің аяқтау формасы (нәтижесі) Қазақстан Республикасы көздерінен алынған табыстар мен төленген салықтар сомалары туралы анықтама болып табылады.
