Қазақстан Республикасы
Қаржы министрінің
2007 жылғы 19 желтоқсандағы
№ 469 бұйрығымен бекітілген
ҚР Қаржы министрінің 2011 жылғы 23 маусымдағы № 325 бұйрығымен күші жойылды
«Салықтардың, бюджетке басқа міндетті төлемдердің, баждардың төленген сомаларына
есептеу мен қайтару өткізу» мемлекеттік қызмет көрсетудің стандарты
1. Жалпы ережелер
1. Бюджетке артық немесе қате төленген соманы есепке жатқызу (есепке жатқызу) бойынша қызмет көрсету - бұл салық органының бюджетке артық немесе қате төленген соманы басқа салық міндеттерін өтеу есебіне жатқызу жөніндегі операциясы.
Бюджетке артық немесе қате төленген соманы қайтару (қайтару) бойынша қызмет көрсету - салық органының есепке жатқызу бойынша операция жүргізілгеннен кейін бюджетке артық немесе қате төленген соманы салық төлеушінің банктік шотына қайтару бойынша операциясы.
Салықтың, төлемақының, өсімпұлдың артық төленген сомасы - бұл өткен салық кезеңдеріндегі салықтың, төлемақының, өсімпұлдың осы түрі бойынша міндеттемелер ескеріле отырып, салықтың, төлемақының, өсімпұлдың салық кезеңінде бюджетке төленген және төлеуге есептелген сомалары арасындағы айырма.
Осы стандартта төлемақы деп жер учаскелерін пайдаланғаны, жер бетіндегі көздердің су ресурстарын пайдаланғаны, қоршаған ортаға эмиссия, радио желілік спекторын пайдаланғаны, қалааралық және (немесе) халықаралық телефон байланысын бергені үшін төлемақылар танылады.
Қате келіп түсу - бұл мынадай қателіктер жіберілген аудару кезіндегі келіп түсу:
1) СТН салық төлеушінің (салық агентінің) атауына сәйкес келмейді;
2) салық органының-алушының СТН дұрыс көрсетілмеген;
3) банктің немесе банк операцияларының жекелеген түрлерін жүзеге асыратын ұйымдардың төлем тапсырмасын дұрыс рәсімдемеуі;
4) банктің немесе банк операцияларының жекелеген түрлерін жүзеге асыратын ұйымдардың салықты және басқа да міндетті төлемдерді қателікпен екі рет аударуы;
5) төлемнің мәтіндік тағайындауы төлем тағайындау кодына және кірістерді бюджеттік сыныптау кодына сәйкес келмеуі;
