(БҰРЫНҒЫ РЕДАКЦИЯ) ҚР ПРЕЗИДЕНТІНІҢ 2007.20.04 № 320 ЖАРЛЫҒЫ

Қазақстан Республикасы Президентінің
Жарлығы

«Ертіс», «Оңтүстік» және «Жетісу» әлеуметтік-кәсіпкерлік корпорацияларын құру және олардың қызметін қамтамасыз ету жөніндегі шаралар туралы

Осы редакция 2008 жылғы 20 шілдедегі енгізілген өзгерістеріне дейін қолданылды

Индустриялық-инновациялық саясат шеңберінде өңірлік дамудың тиімділігін арттыру мақсатында қаулы етемін:

1. Қазақстан Республикасының Үкіметі заңнамада белгіленген тәртіппен:

1) жарғылық капиталдарына мемлекет жүз пайыз қатысатын Семей қаласында орналасатын «Ертіс» әлеуметтік-кәсіпкерлік корпорациясы» ұлттық компаниясы» (бұдан әрі - «Ертіс» ӘКК» ҰК» АҚ), Шымкент қаласыңда орналасатын «Оңтүстік» әлеуметтік-кәсіпкерлік корпорациясы» ұлттық компаниясы» (бұдан әрі - «Оңтүстік» ӘКК« ҮК» АҚ) мен Талдықорған қаласында орналасатын «Жетісу» әлеуметтік-кәсіпкерлік корпорациясы» ұлттық компаниясы» (бұдан әрі - «Жетісу» ӘКК» ҰК» АҚ) акционерлік қоғамдарын құрсын;