Қаланы санитарлық тазалау мен абаттандырудың жай-күйі туралы
Орал қалалық мәслихатының 2007 жылғы 25 желтоқсандағы № 4-6 Шешімі
Орал қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің бастығы А.Д. Қадыровтың хабарламасын тыңдап, сессия бөлімнің және оның бөлімшелерінің орындарда қаланы санитарлық тазалау және абаттандыру, көшелер, алаңдар, тынымбақтар және көпір өткелдері жағдайларын санитарлық нормаларға және талаптарға сәйкесті ұстауы бойынша айтарлықтай жұмыстарды жүргізіп жатырғандығын атап айтады. Бұл мәселе қала әкімдігі жанындағы жедел штабтарда, жиналыстарда үнемі талқыланады.
Меншік түріне қарамастан қаланың ұйымдарымен және мекемелерімен жапсарлас аумақты тазалау бойынша айлықтар мен сенбіліктер жүргізіледі.
Ағымдағы жылдың өткен кезеңінде 17 апатты қоқыс тастайтын жер жойылды, бұл өткен жылдың осы кезеңімен салыстырғанда 177-ге төмен, әртүрлі қоқыстың 445 480 тоннасы шығарылды. Қаланың санитарлық жағдайы жақсарып келеді.
Қаланың қоғамдық дәретханаларында көктемгі-күзгі тазалау жүргізілді. 4468 бұралқы иттер мен мысықтарды аулау жүргізілді. 387 контейнер сатып алынды.
Қала аумағын жарықтандыруды реттеу бойынша да айтарлықтай жұмыстар жүргізілді. Қосымша 8 көше, 97 аулалық аумақтар жарықталды.
Бюджеттен бөлінген қаржы есебінен ағымдағы жылы жаяу жолдар мен алаңдарды жинау үшін техниканың 3 бірлігі сатып алынды.
«Гордострой» мемлекеттік коммуналдық мекемесінің автотракторлық паркі 100 %-дерлік тозған, себебі мекеменің қолданыстағы техникасы 50-60 жылдары шығарылған.
