Кыргыз Республикасынын Президентинин
Жарлыгы
Кыргыз Республикасында долбоорлоо жана курулуш маселелеринде уруксат берүү жол-жоболорун
оптималдаштыруу боюнча чаралар жөнүндө
2007-2010-жылдарга өлкөнү өнүктүрүүнүн Стратегиясын жүзөгө ашыруу, курулушта уруксат берүү системасы боюнча Кыргыз Республикасынын рейтингин жогорулатуу, ошондой эле курулуш комплексинде инвестициялык кырдаалды жакшыртуу үчүн мыйзамдарды өркүндөтүү максатында токтом кылам:
1. 2008-жылга курулуш жагында мамлекеттик саясаттын артыкчылыктуу багыты деп «бирдиктүү терезе» принцибин киргизүү, администрациялык жол-жоболорду жана анын мөөнөттөрүн кыскартуу, ошондой эле макулдук жана инвестициялык-курулуш ниеттерин жүзөгө ашыруу үчүн талап кылынган уруксат берүүчү документтерди алуу наркын төмөндөтүү аркылуу уруксат берүү системасын оптималдаштыруу эсептелсин.
2. Кыргыз Республикасынын Өкмөтү:
- 2008-жылдын 1-июнуна чейин уруксат кылуу документтерин даярдоо жана берүү процессине катышкан ыйгарым укуктуу органдардын жана кызматтардын өзара аракеттенишинин натыйжалуу системасын камсыз кылуу менен долбоорлоого жана курулушка уруксат кылуу документтерин берүү боюнча «бирдиктүү терезе» принцибин киргизсин;
- курулуш жагында уруксат кылуу документтерин алуу үчүн администрациялык жол-жоболорду, мөөнөттөрдү жана анын наркын кайра кароо жана өркүндөтүү боюнча ишти улантсын, анын ичинде:
