Қазақстан Республикасы Президентінің
Жарлығы
Қазақстан Республикасы Президентінің 2001 жылғы 26 маусымдағы № 643
Жарлығына толықтырулар мен өзгерістер енгізу туралы
Қазақстан Республикасы Конституциясының, «Қазақстан Республикасының сот жүйесі мен судьяларының мәртебесі туралы» 2000 жылғы 25 желтоқсандағы Қазақстан Республикасының Конституциялық заңының және «Қазақстан Республикасының Жоғары Сот Кеңесі туралы» 2008 жылғы 17 қарашадағы Қазақстан Республикасы Заңының нормаларын іске асыру мақсатында ҚАУЛЫ ЕТЕМІН:
1. «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңында көзделген ережелерді бекіту туралы» Қазақстан Республикасы Президентінің 2001 жылғы 26 маусымдағы № 643 Жарлығына мынадай толықтырулар мен өзгерістер енгізілсін:
1) жоғарыда аталған Жарлықпен бекітілген Судьялыққа кандидаттың тағылымдамадан өтуі туралы ережеде:
мынадай мазмұндағы 2-1-тармақпен толықтырылсын:
«2-1. Жүктелген міндеттерді орындамауына, соттың айыптау үкімінің заңды күшіне енуіне байланысты не тәртіптік қылықтар жасағаны үшін судья лауазымынан босатылған тұлғаларды қоспағанда, мамандандырылған магистратурада оқуды бітірген тұлғалардың, сондай-ақ бұрын кемінде үш жыл тұрақты судья болып жұмыс істеген және жұмыстан босатылған күннен бастап алты жылдың ішінде қайтадан судья лауазымына орналасуға ниет білдірген тұлғалардың тағылымдамадан өтуі талап етілмейді.»;
2) жоғарыда аталған Жарлықпен бекітілген Сот жюриі туралы ережеде:
11-тармақтағы «, Қазақстан Республикасы Әділет біліктілік алқасының» деген сөздер алып тасталсын;
3-тараудың тақырыбындағы «Материалдарды» деген сөз «Судьяның кәсіби жарамдылығын анықтау туралы материалдарды» деген сөздермен ауыстырылсын;
29-тармақтың үшінші бөлігіндегі «Президентіне» деген сөз «Жоғары Сот Кеңесіне» деген сөздермен ауыстырылсын;
мынадай мазмұндағы 3-1-тараумен толықтырылсын:
«3-1. Қазақстан Республикасы Жоғары Сот Кеңесінің жанындағы Біліктілік комиссиясына судьяларды жіберу тәртібі
