У.О. Төрехановты Дубай (Біріккен Араб Әмірліктері) және Доха (Катар мемлекеті) қалаларына іссапарға жіберу туралы
Қазақстан Республикасы Үкіметінің 2009 жылғы 16 сәуірдегі № 537 Қаулысы
«Орталық және жергілікті мемлекеттік органдарда, холдингтерде, ұлттық компанияларда, әлеуметтік-кәсіпкерлік корпорацияларда әкімшілік шығыстарды қысқарту жөніндегі шаралар туралы» Қазақстан Республикасы Президентінің 2008 жылғы 30 желтоқсандағы № 289 өкіміне сәйкес және іс-қағаздарды жүргізу мен Қазақстан Республикасының шет елдердегі мекемелеріне келісім-шарт негізінде қызметкерлер тарту мәселелері жөнінде консультациялар үшін, сондай-ақ Қазақстан Республикасының шет елдегі мекемелеріне құпия дипломатиялық почтаны жедел әрі кепілді жеткізу мақсатында Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Сыртқы істер министрлігі Әкімшілік және бақылау департаментінің директоры Уәлихан Әмірханұлы Төреханов 2009 жылғы 16 - 22 сәуір кезеңіне Дубай (Біріккен Араб Әмірліктері) және Доха (Катар Мемлекеті) қалаларына іссапарға жіберілсін.
2. Қазақстан Республикасы Сыртқы істер министрлігі У.Ә. Төрехановқа қонақ үйде тұруға, тәуліктік және Алматы - Дубай - Доха - Дубай - Астана бағыты бойынша көліктік шығыстарға 2009 жылға арналған республикалық бюджетте 001 «Сыртқы саяси қызметті үйлестіру жөніндегі қызметтер» бағдарламасы бойынша көзделген қаражат есебінен валюта айырбастаудың берілетін күнгі нарықтық бағамы бойынша белгіленген тәртіппен шетелдік валютада қаражат бөлсін.
3. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | К. Мәсімов |
