Энтеровирусты жұқпаның алдын алу шаралары туралы
Қазақстан Республикасының Денсаулық сақтау міністірлігі мемлекеттік санитарлық бас дәрігерінің
2009 жылғы 1 сәуірдегі № 3 Қаулысы
ҚР Денсаулық сақтау министрінің 2018.10.12. № 696 бұйрығымен күші жойылды
Қытайда энтеровирусты жұқпа ауруының бұрқ етуі тіркелуіне байланысты, Қазақстан аумағына инфекцияның әкелінуі мен одан әрі таралуын болдырмау мақсатында, «Халықтың санитарлық-эпидемиологиялық салауаттылығы туралы» Қазақстан Республикасы Заңының 7-1 бабының 2), 6) тармақшалары негізінде ҚАУЛЫ ЕТЕМІН:
1. Облыстардың, Астана, Алматы қалаларының денсаулық сақтау (келісім бойынша) басқармаларының бастықтары:
1) энтеровирусты жұқпамен сырқаттарды уақтылы диагностикалауды, емдеуді қамтамасыз етсін;
2) энтеровирусты жұқпаның болуына күдікті сырқаттарды жатқызуға қосымша изоляторлар, жұқпалы бейіндегі төсектер бөлінуі қарастырсын;
3) медициналық ұйымдарда дәрі құралдарының қажетті қорын, энтеровирусты жұқпаға диагностикалау жүргізуге зертханалардың дайындығын қамтамасыз етсін.
2. Облыстардың, Астана, Алматы қалаларының мемлекеттік санитарлық-эпидемиологиялық қадағалау департаменттерінің басшылары:
1) халыққа берілетін ауыз судың қауіпсіздігін, тамақ өнімдерін өндіру мен сату кезінде санитарлық-эпидемиологиялық ережелердің сақталуын, мектептерде, мектепке дейінгі балалар мекемелерінде, емдеу - алдын алу және басқа да ұйымдарда санитарлық-эпидемиялық талаптардың орындалуын қадағалауды күшейтсін;
