Алқабилердің қатысуымен шығарылған сот үкімін өзгеріссіз қалдыру туралы
Қазақстан Республикасы Жоғарғы Сотының қылмыстық істер жөніндегі алқасының 2008 жылғы 4 қарашадағы № 2а-319-08 Қаулысынан үзінді
Қазақстан Республикасы Жоғарғы Сотының қылмыстық істер жөніндегі алқасы төрағаның, судьялардың, Қазақстан Республикасы Бас Прокуратурасы департаментінің прокурорының қатысуымен өткен сот отырысында сотталған Ж. мен К.-ның және қорғаушылар С. мен Б.-ның алқабилердің қатысуымен шығарған Ақтөбе облыстық сотының 2008 жылғы 30 шілдедегі үкіміне келтірген апелляциялық шағымдары бойынша келіп түскен қылмыстық істі қарап,
АНЫҚТАҒАНЫ:
Ақтөбе облыстық сотының үкімімен
Ж. 1981 жылғы 20 қарашада Ақтөбе облысында туған, ұлты қазақ, Қазақстан Республикасының азаматы, бұрын сотталған,
- Қазақстан Республикасының ҚК-нің 96-бабының 2-бөлігінің «ж», «к» тармақтарымен 17 жылға бас бостандығынан айыруға, 179-бабының 2-бөлігінің «а», «б», «г» тармақтарымен мүлкін тәркілеп, 8 жылға бас бостандығынан айыруға, ҚК-нің 121-бабының 2-бөлігінің «а», «б»
тармақтарымен 8 жылға бас бостандығынан айыруға, ҚК-нің 120-бабының 2-бөлігінің «а», «б» тармақтарымен 8 жылға бас бостандығынан айыруға, ҚК-нің 58-бабының 3 және 4-бөліктерінің негізінде жазаларды ішінара қосу жолымен түпкілікті мүлкін тәркілеп, 18 жылға бас бостандығынан айыруға, жазаны қатаң режимдегі түзеу колониясында өтеуге сотталған. Жаза мерзімі 2007 жылғы 25 желтоқсаннан бастап есептелген.
К. 1982 жылғы 20 шілдеде Ақтөбе облысында туған, қазақ, Қазақстан Республикасының азаматы, бұрын сотталған,
