Оңтүстік Қазақстан ауданаралық мамандандырылған экономикалық сотының 2008 жылғы 30 қаңтардағы шешімін бұзу туралы
Қазақстан Республикасы Жоғарғы Сотының қадағалау алқасының 2008 жылғы 01 қазандағы № 4гп-264-08 Қаулысынан үзінді
Қазақстан Республикасы Жоғарғы Сотының қадағалау алқасы төрағаның, судьялардың, Қазақстан Республикасы Бас прокуратурасы департаментінің бастығының, жауапкер М.-ның қатысуларымен Қазақстан Республикасы Жоғарғы Сотының ғимаратында «Оңтүстік Қазақстан облысының мемлекеттік сәулет-құрылыс бақылау департаменті» мемлекеттік мекемесінің жеке кәсіпкер М.-ның заңсыз салған құрылысын өз есебінен бұзғызу туралы талап арызы бойынша қабылданған Оңтүстік Қазақстан ауданаралық мамандандырылған зкономикалық сотының 30 қаңтар 2008 жылғы шешіміне жауапкердің келтірген қадағалау шағымын қарап,
АНЫҚТАҒАНЫ:
«Оңтүстік Қазақстан облысының мемлекеттік сәулет-құрылыс бақылау департаменті» мемлекеттік мекемесі жеке кәсіпкер М.-ға қарсы сотқа талап арыз түсіріп, онда жауапкер ҚР «Қазақстан Республикасындағы сәулет, қала құрылысы және құрылыс қызметі туралы» Заңының 17, 28, 68-баптарының талаптарын сақтамай салған құрылысын өз есебінен мәжбүрлеп бұзуды талап еткен.
Оңтүстік Қазақстан ауданаралық мамандандырылған экономикалық сотының 2008 жылғы 30 қаңтардағы үкімімен талап арыз қанағаттандырылған.
Іс апелляциялық тәртіпте қаралмаған.
М. қадағалау шағымында іс бойынша мән-жайлар дұрыс анықталмағандықтан, оларға дұрыс құқықтық баға берілмеген, осы себепті материалдық заң талаптары дұрыс қолданбаған деген негізбен сот шешімін заңсыз деп тануды сұраған.
