Қазақстан Республикасы Қаржы Министрілігінің Салық комитетінің 2009 жылғы 14 мамырдағы
№ НК-06-26/4509 Хаты
ҚР Қаржы Министрілігінің Салық комитетінің 2009 жылғы 25 мамырдағы № НК-13-24/4898 Хатымен 210.00 нысаны бойынша декларацияны ұсынуы түсініктеме бөлімінде кері қайтарып алынды
«Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 68-бабының 7-тармағына сәйкес салық салу объектілері болмаған кезде, Салық кодекстің 149, 162, 185, 270, 364-баптарында көзделген салық есептілігін қоспағанда, салық есептілігі табыс етілмейді.
Салық кодексінің 162-бабында салық агенті есепті тоқсаннан кейінгі екінші айдың 15-нен кешіктірмей, салық төленетін жердегі салық органдарына Қазақстан Республикасының резиденттері - жеке тұлғалардан жеке табыс салығы және әлеуметтік салық бойынша декларацияны (200.00 нысан) және шетелдіктер мен азаматтығы жоқ тұлғалардан жеке табыс салығы және әлеуметтік салық бойынша декларацияны (210.00 нысан) табыс ететіні бекітілген. Жеке табыс салығы және әлеуметтік салық бойынша декларацияны шаруа немесе фермер қожалықтары үшін және оңайлатылған декларация негізінде шағын бизнес субъектілері үшін арнаулы салық режимдерiн қолданатын салық агенттері осы режимдер қолданылатын қызмет бойынша табыс етпейді.
Сонымен бірге 1995 жылғы 19 маусымдағы № 2337 Қазақстан Республикасы «Шетелдіктердің құқықтық жағдайы туралы» Заңының (бұдан әрі - Заң) 2-бабына сәйкес Қазақстан Республикасының азаматтары емес және өзiнiң басқа мемлекеттiң азаматтығына қатысты екендiгiнiң дәлелi бар адамдар Қазақстан Республикасындағы шетелдіктер болып танылады. Қазақстан Республикасының азаматтары емес және өзiнiң басқа мемлекеттiң азаматтығына қатысты екендiгiнiң дәлелi жоқ адамдар азаматтығы жоқ тұлғалар болып танылады.
