Қазақстан Республикасы Денсаулық
сақтау Министрлігі Фармация
комитеті Төрағасының
2007 жылғы 18 маусымдағы
№ 101 бұйрығымен
бекітілген
Дәрілік заттарды қолдану жөнінде мамандарға арналған нұсқаулық
Тавегилт (Tavegylт)
Саудалық атауы
ТАВЕГИЛТ
Халықаралық патенттелмеген атауы
Клемастин
Дәрілік түрі
Көктамырішіне және бұлшықетішіне енгізуге арналған ерітінді, 2 мл
Құрамы
2 мл ерітінді құрамында
белсенді зат - 2.68 мг клемастин гидрофумараты (2 мг клемастин),
қосымша заттар: сорбитол, этанол, пропиленгликоль, натрий цитраты, инъекцияға арналған су.
Сипаттамасы
Мөлдір, түссіз немесе өте бозғылт-сары немесе өте бозғылт-жасылтым-сары ерітінді
Фармакотерапиялық тобы
Жүйелі әсер ететін антигистаминдік дәрілер.
Аминоалкильді эфирлер
АТЖ коды R06AA04
Фармакологиялық қасиеттері
Фармакокинетикасы
Плазма ақуыздарымен байланысы 95 % құрады.
Лактация кезеңінде клематстиннің аздаған мөлшері омырау сүтіне өтуі мүмкін.
Клемастин бауырда елеулі метаболизмге ұшырайды. Метаболиттер негізінен (45-65 %) несеппен бүйрек арқылы шығарылады; өзгермеген белсенді зат несепте тек ізі ғана білінеді.
Фармакодинамикасы
Тавегил® Н1-рецепторларының антагонисті болып табылады.
Бензгидрильдік эфирлер тобындағы антигистаминдік дәрілерге жатады, қылтамырлардың өткізгіштігін азайтады, жылдам басталатын және әсерінің елеулі ұзақтығымен сипатталатын аллергияға және қышымаға қарсы әсер етеді.
Қолданылуы
- аллергиялық және жалған аллергиялық реакциялардың алдын алу және емдеу (сонымен қатар қайшылас заттарды енгізгенде, қан құюда, гистаминді диагностикалық қолданғанда)
- ангионевротикалық ісіну
- анафилактикалық немесе анафилактоидтық шок (қосмыша заттар ретінде).
Қолдану тәсілі және дозалары
Ересектерге: орташа доза 2 мг (2 мл) құрайды, 1 ампуладағысы. Препаратты көктамырішіне немесе бұлшықетішіне енгізеді.
