Қазақстан Республикасы Денсаулық
сақтау министрлігі Фармацевтикалық
бақылау комитеті Төрағасының 2008 жылғы
25 желтоқсандағы № 355 бұйрығымен бекітілген
Дәрілік заттың медицинада қолданылуы жөніндегі
нұсқаулық
Лактинет®
Lactinette®
Саудалық атауы
Лактинет®
Lactinette®
Халықаралық патенттелмеген атауы
Дезогестрел
Дәрілік түрі
Қабықпен қапталған 0,075 мг таблеткалар
Құрамы
Бір таблетканың құрамында
белсенді зат - 0,075 мг дезогестрел,
қосымша заттар: ядро - DL-a-токоферол, коллоидты кремний қос тотығы, стеарин қышқылы, магний стеараты, картоп крахмалы, повидон К30, лактоза моногидраты;
қабығы: ОПАДРИ ІІ.85F28751 ақ: (титанның қос тотығы Е171, СІ 77891, тальк, полиэтиленгликоль 3000, поливинил спирті)
Сипаттамасы
Ақ немесе ақ түсті дерлік қабықпен қапталған, дөңгелек, екі жағы дөңес, бір жақ бетінде «D» деген және басқа жақ бетінде «75» деген таңбасы бар таблеткалар.
Фармакотерапиялық тобы
Прогестагендер.
АТЖ коды G03AC09
Фармакологиялық қасиеттері
Фармакокинетикасы
Сіңуі
Ішке қабылдаған кезде дезогестрел тез сіңеді және этоногестрелге өзгереді, ол дезогестрелдің биологиялық тұрғыдан белсенді метаболиті болып табылады. Таблетканы қабылдағаннан кейін 1,8 сағаттан соң қан сарысуында ең жоғары орташа қанығу деңгейіне (Тmах) жетеді. Этоногестрелдің биожетімділігі - 70%.
Таралуы
Этоногестрел қан плазмасы ақуыздарымен, негізінен, альбуминмен 95,5-99%-ға және жыныс гормондарымен байланыстыратын глобулиндермен (ЖГБГ) аз дәрежеде байланысады.
Метаболизмі
Дезогестрел гидроксилдену және дегидрогенация арқылы белсенді метаболит этоногестрелге өзгереді. Этоногестрел сульфаттық және глюкуронидті конъюгат түзу арқылы өзгеріске ұшырайды.
Шығарылуы
