Долбоор
КЫРГЫЗ РЕСПУБЛИКАСЫНЫН
МЫЙЗАМЫ
«Тышкы миграция жөнүндө»
Кыргыз Республикасынын Мыйзамына толуктоолорду жана өзгөртүүлөрдү киргизүү тууралуу
Мыйзам долбоору КР Өкмөтүнүн 2007.24.12 № 623 токтому менен жактырылган жана КР Жогорку Кеңешинин кароосуна жиберилген
1-статья. «Тышкы миграция жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору 2000-ж. № 7 371-ст.) төмөнкүдөй толуктоолор жана өзгөртүүлөр киргизилсин:
1. 1-статьяда:
- экинчи бөлүк төмөнкүдөй редакцияда баяндалсын:
«Визасыз режим - чет мамлекеттин жарандары виза тариздебестен Кыргыз Республикасы жарактуу деп тапкан документтеринин бири боюнча, эгер Кыргыз Республикасынын эл аралык келишимдеринде башкача каралбаса, Кыргыз Республикасынын аймагына келүүгө, кетүүгө, транзит менен өтүүгө, бир жерден экинчи жерге барууга жана анда болууга укуктуу болгон режим»;
- 4-бөлүктө:
«паспортунда же аны алмаштырган жол жүрмөлөрүндө» деген сөздөр «анык» деген сөз менен алмаштырылсын;
«Кыргыз Республикасынан чыгып кетүүгө» деген сөздөр «Кыргыз Республикасынан чыгып кетүүгө жана транзит менен өтүүгө» деген сөздөр менен алмаштырылсын;
- төмөнкүдөй мазмундагы абзацтар менен толукталсын:
«Визалык режим - алуу тартиби Кыргыз Республикасынын мыйзамдары менен белгиленген анык визанын негизинде чет мамлекеттин жарандары Кыргыз Республикасынын аймагына келүүгө, кетүүгө, транзит менен өтүүгө, бир жерден экинчи жерге барууга жана анда болууга укуктуу болгон режим.
Өздүгүн күбөлөндүргөн документ - бул дипломатиялык каналдар менен жиберилген жана Кыргыз Республикасы ушул сапатта таанылган, эгер Кыргыз Республикасынын эл аралык келишимдеринде башкача каралбаса, Кыргыз Республикасынын мамлекеттик чегарасын кесип өтүүчү адамдын статусун ырастоочу документ.
Анык документ - көрсөтүүчү адамга таандык болгон жана жасалма эмес, мөөнөтү өтпөгөн, тийиштүү үлгүдө жазып катталган жана укуктуу органдар тарабынан бекитилген, мамлекет берген компетенттүү органдардын аныктоолоруна реквизиттери жана бардык бөлүктөрү туура келген өздүгүн күбөлөндүргөн документ.».
2. 5-статьянын биринчи бөлүгүндө:
