Қазақстан Республикасының екiншi деңгейдегi банктерiнде және
банк операцияларының жекелеген түрлерiн жүзеге асыратын ұйымдарда
касса операцияларын және банкноталарды, монеталарды және құндылықтарды
инкассациялау операцияларын жүргiзу ережесін бекіту туралы Қазақстан
Республикасының Ұлттық Банкі Басқармасының 2001 жылғы 3 наурыздағы № 58 қаулысы
(2008.28.11. берілген өзгерістер мен толықтырулармен)
Осы редакция 2009 жылғы 24 шілдеде енгізілген өзгерістеріне дейін қолданылды
ҚР Ұлттық Банкі Басқармасының 2005.12.12. № 156 Қаулысымен (бұр.ред.қара); 2008.28.11. № 94 Қаулысымен (бұр.ред.қара) тақырып өзгертілді
Осы қаулыға өзгерістер енгізу туралы ҚР Ұлттық банк басқармасының 2007 жылғы 27 тамыздағы № 90 Қаулысын қара (2010 жылғы 13 тамыздан бастап қолданысқа енгізіледі )
Қазақстан Республикасында касса операцияларын және қолма-қол ақша айналымын ұйымдастыруды жетiлдiру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДI:
ҚР Ұлттық Банкі Басқармасының 2005.12.12. № 156 Қаулысымен (бұр.ред.қара); 2008.28.11. № 94 Қаулысымен (бұр.ред.қара) 1-тармақ өзгертілді
1. Қазақстан Республикасының екiншi деңгейдегi банктерiнде және банк операцияларының жекелеген түрлерiн жүзеге асыратын ұйымдарда касса, операцияларын және банкноталарды, монеталарды және құндылықтарды инкассациялау операцияларын жүргiзу ережесi (бұдан әрi - Ереже) бекітілсiн және Қазақстан Республикасының Әдiлет министрлігінде мемлекеттік тiркелген күннен бастап он төрт күн өткеннен кейiн күшiне енгiзiлсiн.
ҚР Ұлттық Банкі Басқармасының 2005.12.12. № 156 Қаулысымен 2-тармақ өзгертілді (бұр.ред.қара)
2. Осы қаулы бекітілген күннен бастап Қазақстан Республикасының Ұлттық Банкi Басқармасының "Қазақстан Республикасының екiншi деңгейдегi банктерiнде касса операцияларын жүргізу ережесін бекіту туралы" 1999 жылғы 15 қарашадағы № 394 қаулысының күшi жойылды деп танылсын.
ҚР Ұлттық Банкі Басқармасының 2005.12.12. № 156 Қаулысымен 3-тармақ өзгертілді (бұр.ред.қара)
