Қазақстан Республикасы
Индустрия және жаңа
технологиялар министрлігі
Жауапты хатшысының
2010 жылғы 2 маусымдағы
№ 97 бұйрығымен
бекітілген
Қазақстан Республикасы Индустрия және жаңа технологиялар министрлігінің
«Геология және жер қойнауын пайдалану комитеті» мемлекеттік мекемесі туралы
ереже
1. Жалпы ережелер
1. Қазақстан Республикасы Индустрия және жаңа технологиялар министрлігінің Геология және жер қойнауын пайдалану комитеті (бұдан әрі - Комитет) Қазақстан Республикасы Индустрия және жаңа технологиялар министрлігі құзыреті шегінде және Қазақстан Республикасы заңнамаларына сәйкес мемлекеттік геологиялық зерттеулер, жер қойнауын ұтымды және кешенді пайдалану және жер қойнауын пайдаланудың мемлекеттік басқармасы міндеттерін реттеуші, бақылаушы және іске асырушы мекеме болып табылады.
Комитеттің өңіраралық аумақтық органдары: Шығыс Қазақстан, Батыс Қазақстан, Солтүстік Қазақстан, Орталық Қазақстан, Оңтүстік Қазақстан геология және жер қойнауын пайдапанудың өңіраралық аумақтық департаменттер мемлекеттік мекемелері.
2. Комитет өзінің қызметін Қазақстан Республикасының Конституциясы мен заңдарына, Қазақстан Республикасы Президентінің, Үкіметінің актілеріне, басқада нормативтік құқықтық актілерге және осы Ережеге сәйкес жүзеге асырады.
3. Комитет мемлекеттік мекеменің ұйымдық - құқықтық түрдегі заңды тұлғасы болып табылады, мемлекеттік тілде өзінің атауы жазылған мөрі мен мөр таңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес Қазақстан Республикасы Қаржы министрлігінің Қазынашылық органдарында шоттары бар.
4. Азаматтық-құқықтық қарым-қатынастарға Комитет жеке өз атынан шығады.
5. Комитет мемлекет атынан азаматтық-құқықтық қарым-қатынастар тарапы жағынан сөйлеуге құқылы, егер ол сол заңнамаға сәйкес уәкілетті болса.
