Қазақстан Республикасының Ұлттық Банкі Басқармасының «Уәкілетті банктердің ішкі валюта нарығында сұраныс пен ұсыныс көздері бойынша есеп беру тізбесі, нысандары және ұсыну мерзімдері туралы нұсқаулықты бекіту жөнінде»
2005 жылғы 29 қазандағы № 135 қаулысына толықтырулар мен өзгерістер енгізу туралы
Қазақстан Республикасы Ұлттық Банкі Басқармасының 2010 жылғы 26 шілдедегі № 64 Қаулысы
ҚР Ұлттық Банкі Басқармасының 2012 жылғы 27 шілдедегі № 221 Қаулысымен 2012 жылғы 1 қазаннан бастап күші жойылды
«Қазақстан Республикасының Ұлттық Банкі туралы» 1995 жылғы 30 наурыздағы Қазақстан Республикасының Заңына сәйкес және «Сәйкестендіру нөмірлерінің ұлттық тізілімдері туралы» 2007 жылғы 12 қаңтардағы Қазақстан Республикасының Заңына сәйкес келтіру, сондай-ақ уәкілетті банктердің ішкі валюта нарығында сұраныс пен ұсыныс көздері бойынша есеп беру тәртібін нақтылау мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Қазақстан Республикасының Ұлттық Банкі Басқармасының «Уәкілетті банктердің ішкі валюта нарығында сұраныс пен ұсыныс көздері бойынша есеп беру тізбесі, нысандары және ұсыну мерзімдері туралы нұсқаулықты бекіту жөнінде» 2005 жылғы 29 қазандағы № 135 қаулысына (Нормативтік құқықтық актілерді мемлекеттік тіркеу тізілімінде № 3960 тіркелген) мынадай толықтырулар мен өзгерістер енгізілсін:
көрсетілген қаулымен бекітілген Уәкілетті банктердің ішкі валюта нарығында сұраныс пен ұсыныс көздері бойынша есеп беру тізбесі, нысандары және ұсыну мерзімдері туралы нұсқаулықта:
5-тармақтың бірінші бөлігі «жетінші күніне» деген сөздерден кейін «(қоса алғанда)» деген сөздермен толықтырылсын;
1-қосымшада:
кестеде:
реттік нөмірлері 13 және 26 жолдарда «басқа» деген сөз алынып тасталсын;
реттік нөмірі 48 жолда «басқа да» деген сөздер алынып тасталсын;
реттік нөмірі 61 жолда «басқа» деген сөз алынып тасталсын;
Толтыру жөніндегі нұсқауларда:
төртінші және бесінші бөліктер мынадай редакцияда жазылсын:
«1-нысанды толтырған кезде мына шарттардың орындалуын қамтамасыз ету қажет:
